Тажалға қарсы табанды күрес керек

Ашығын айту керек, есірткі мәселесі біздің елде өте күрделі. Ол небір отба­сының шаңырағын шайқалтып, айық­пас кеселге ұшыратып жатыр. Сондықтан да Елбасы «Таразының бір басында оны әкеліп, тарататын адамның өмірі тұрса, екінші басында соның  «көмегімен» қор болған есірткі тұтынушылардың ғұмыры тұр» деді.

Егемен Қазақстан
23.04.2018 62

Осыған байланысты елімізде есірткі­ге қарсы ұлттық деңгейде шаралар қабыл­дануда. Алайда жұлын құртқа айналған заңсыз есірткі көзін жою үлкен проблема болып тұр.

Бірақ солай екен деп қол қусырып отыруға болмайды. Өйткені есірткі заттарын тарататын криминалдық ортаның өкілдерінде тыным жоқ. Ұйымдасқан топтар арам ақша жолында түрлі қылмысқа барады. Олар есірткі заттарын жасырын таратады. Ұсталғаны ұсталады, бірақ сонда да қоймайды. Сондықтан мұндай келеңсіз жағдайлардың алдын алу үшін жыл сайын Шу алқабында «Көкнәр» жедел алдын алу шаралары өткізіледі. Ол аздық етсе, кең көлемді арнайы жедел шаралар да жүргізіледі. Бұл жедел шараға арнайы мақсаттағы бөлімшелердің қызметкерлері қатысып, сонымен қатар ыңғайлы жаңа көліктер, тікұшақтар т.б. заманауи техника түрлері пайдаланылады. Осылайша Үкімет тарапынан көрсетілетін қолдаулар мен бірлескен әрекеттер нәтижесінде бүгінде Шу алқабындағы жағдайды қадағалауға мүмкіндік туып отыр. Алайда мұнымен бар мәселе шешілді деуге келмейді. Өйткені жоғарыда аталған криминалдық ортаның өкілдері қылмыстық кәсіптерін жалғастыру үшін енді басқа жол іздеуде. Ондай жолды тауып та жатыр. Бұл қалай дейсіз ғой?

Бұған таңғалудың еш қажеті жоқ екенін құқық қорғау органдары қызметкерлерінің өздері де айтады. Қылмыстық топтар заңсыз есірткі кәсібін жолға қою үшін барлық айла-амалдарды қолдануда. Жоғарыда айтқанымыздай, Шу алқабында бақылауды күшейткенде олар оны қоя тұрып, еліміздің өзге де өңірлерінде, мәселен, Қызылорда облысында «Үнді қарасорасын» өсіруді қолға алған. Енді осындай келеңсіздіктер салдарынан елдегі нашақорлар санының да азая қоюы екіталай. Қаншама адам жазылмас кеселге ұрынуда. Өзгелердің тағдырын тәлкек ету арқылы баю не береді? Соңғы екі жыл ішінде ғана аталған өңірден 216 қарасора алқабы анықталған. Оның жалпы аумағы 32 гектарға дейін созылған. Ал содан жиналатын зиянды өнімнің, яғни қарасораның жалпы салмағы 124 тоннаны құраған көрінеді. Ал қылмыстық топ дайындап қойған марихуананың салмағы 24 тонна болған. Сонда мұны бір мәрте қолданар болса, ол шамамен 4 миллион 800 мың дана бір реттік доза болады екен. Ал енді оны есірткі нарығындағы бағамен есептер болсақ, 8,5 миллиард теңге немесе 27 миллион АҚШ долларына жетіп жығылады.

Демек қайткен күнде де бұл індетпен күресті тоқтатпау қажет. Бұл бағытта құқық қорғау органдарына ойланарлық және қылмыстық топтар іс-әрекеттерінің алдын алуда мән берер жағдаяттар бар. Соның бірі – есірткіні өсіруді қылмыскерлердің кәсіби деңгейде жүзеге асыра бастағаны. Тіпті әлгі өсімдіктерді күтіп-баптауға тамшылатып суару секілді жаңа технологияларды да қолданатын көрінеді. Ал бұл нені білдіреді? Бұл қылмыстық топтардың іс-әрекетіне ауыл шаруашылығын жетік білетін мамандардың немесе осы саланы жетік меңгерген жер өңдеушілердің қатысы барлығын білдірмей ме? Мұны сарапшылар да жасырмайды. Қылмыстық топтардың осындай келеңсіз, яғни марихуананы жасырын өсіру іс-әрекеттері Ақтөбе, Жамбыл, Қарағанды және Оңтүстік Қазақстан облыстарында байқалған.

Әрине бүкіл әлем болып есірткі тауқыметін жеңе алмай жатқанда бір елдің дәрмені келмес дейтіндер де табылар. Бірақ бұл мәселеге мемлекеттік және жергілікті атқарушы органдар барынша күш салса, кеселді біржолата жойып жібермесек те, көптеген қауіптің алдын алуға болатыны сөзсіз. Сондықтан да енді Президент Нұрсұлтан Назарбаевтың «Заңның шексіз үстемдігін белгілеуге және занды орындайтын азаматтарды қылмыстан қорғауға тиіспіз. Бұған керісінше, билік пен заңның бар күшін заңсыз жолмен, шалқып өмір сүретіндерге қарсы қолдану керек» деген сөзі үнемі есте болса екен дейміз.

Александр ТАСБОЛАТ,

«Егемен Қазақстан»

СОҢҒЫ ЖАҢАЛЫҚТАР

15.08.2018

Дәметкен Сүлейменованың «Жаһанша Досмұхамедов һәм қазақ автономиясы» кітабы жарық көрді

15.08.2018

Жазықсыз атылған жампоз

15.08.2018

Астананың білім беру мекемелерінің 45 басшысы тәртіптік жазаға тартылды

15.08.2018

Қарулы күштерінің сержанты ер-азаматқа лайық батылдық жасады

15.08.2018

Атыраудағы «КасХим» жылына 27 млн полипропилен мен полиэтилен шығарады

15.08.2018

Керекулік өрендер жазды ойдағыдай өткізуде

15.08.2018

Алексей Цой жеке қабылдауына жазылған азаматтармен кездесу өткізді

15.08.2018

Жамбыл филармониясына Кенен есімі берілді

15.08.2018

«ҚАЗБАТ» батальоны АҚШ-тың «Дала қыраны-2018» бітімгерлік оқу-жаттығуларына қаты­суда

15.08.2018

Нарынқолдағы застава

15.08.2018

Заң кінәлі ме, балл кінәлі ме?

15.08.2018

Солтүстік Қазақстанда 48 полиция қызметкері баспаналы болды

15.08.2018

Физика пәнін ағылшын тілінде меңгерудің тиімділігі

15.08.2018

Алматы облысында жаңадан салынған 9 мектеп оқушыларға есік ашады

15.08.2018

Қапшағайдағы тамыз кездесуі

15.08.2018

Ақылбек ШПИКПАЕВ: Өзгеріс уақыты келді

15.08.2018

Қызылжар ауданындағы 13 ауылға сапалы ауыз су жетті

15.08.2018

Дәурен ҚАРАБАЕВ: Артықшылықты акцияларды кері сатып алу – акция ұстаушылар үшін де, компания үшін де тартымды нұсқа

15.08.2018

Мәлік Отарбаевтың «Бір қайыры бар дүние» кітабының тұсакесері өтті

15.08.2018

Алматыда қалай баспаналы болуға балады?

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

Сейфолла ШАЙЫНҒАЗЫ, «Егемен Қазақстан»

«Арбамен қоянға жетер» күн қайда?

1998 жылы Kodak фирмасында 170 мың адам жұмыс істеген екен және әлем бойынша саудаланған фотоқағаздың 85 проценті дәл осы фирманың үлесіне тиген. Небәрі бірнеше жылдың ішінде олардың бизнес-моделі жойылып, фирма банкрот болған. Бұл нені білдіреді?

Сұңғат ӘЛІПБАЙ, «Егемен Қазақстан»

Аграрлық саладағы болашақ мамандықтар

Сарапшылардың болжамдарына қарағанда, әлемдік аграрлық салада 15-20 жылдың ішінде революциялық өз­герістер жүзеге асырылады. Жаңа тех­нологиялардың шапшаң қарқынмен дамуы, ғарыш кеңістігін игеруге көптеген елдердің құлшыныс танытуы, гендік инженерия ықпалының күшеюі, азық-түлікке сұраныстың артуы, бос жатқан жерлердің азаюы секілді факторлар әлем бойынша жаңа технологиялармен қаруланған жаңа тұрпатты ауыл ша­руашылығын қалыптастырады. Сөйтіп ауыл шаруашылығы өзгерістерге барынша баяу бейімделетін ең консервативті сала деген бұрынғы түсініктің көбесі сөгіледі.

Әлисұлтан ҚҰЛАНБАЙ, «Егемен Қазақстан»

Бесінші саммит және Каспий «бестігі»

Кеше Ақтау қаласында Каспий маңы мем­лекеттері басшыларының Бесінші саммиті өтті. Аса маңызды халықаралық жиынға Қазақ­станның, Ресейдің, Әзербайжанның, Иранның және Түрікменстанның президенттері қатыс­ты. Тараптар Каспий теңізінің құқықтық мәрте­бесі, теңізде экономика, көлік-транзит, эколо­гия, қауіпсіздік және басқа да салалар бойын­ша ынтымақтастық орнату мәселелерін талқылады. 

Қорғанбек АМАНЖОЛ, «Егемен Қазақстан»

Шалдың баласы

Қазақ менталитетінің өзіне тән тағы бір ерекшелігін айқындап, бекзат болмысын ажарлап әмбе сақтап келе жатқан әдет-ғұрыптарының бірі отбасындағы үлкен баланы, әсіресе ұлдың тұңғышын ата-әжесінің бауырына салу дер едік. Ол атасының баласы болып өседі. Шалдың баласы құдайдың еркесі, оны ешкім бетінен қақпайды. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу