Семинар исламдық банк қызметін реттеудің басты қағидалары, оның ішінде исламдық «терезелер», тәуекел-менеджмент, капитал жеткіліктілігі және исламдық қаржыландыру қағидаттарына сәйкес басқару жүйелері бөлігінде IFSB стандарттарын егжей-тегжейлі және практикалық зерделеуге бағытталған.
Исламдық қаржыландыру департаментінің директоры Әлібек Нұрбеков исламдық қаржы АХҚО қызметінің басым бағыттарының бірі екендігін атап айтты.
«Семинар исламдық қаржыландыру саласындағы кәсіби дамуға бағытталған АХҚО-ның көп бастамаларының бірі. Осындай іс-шаралардың өткізілуі өңірдегі қаржы қызметтерінің ислам индустриясындағы адами капиталды дамытуға ықпал етеді және тұтастай алғанда АХҚО-ны исламдық қаржыландырудың өңірлік хабы ретінде қалыптастыруға жәрдемдеседі», – деді Ә. Нұрбеков.
Семинар жұмысына АХҚО өкілдері, ТМД елдерінің орталық банктерінің өкілдері, Қазақстан Республикасы министрліктерінің өкілдері және де ТМД қаржы институттары мен қазақстандық қаржы нарығының өкілдері қатысты.
IFSB – исламдық қаржы институттарын тиімді бақылау және реттеуге арналған стандарттарды әзірлейтін халықаралық орган. IFSB өз құзыреті шеңберінде ислам қаржы саласына арналған пруденциялық стандарттарды әзірлейді, сондай-ақ исламдық қаржыландырудың (банкинг, сақтандыру, капитал нарығы) қадағалау және реттеу стандарттарын жариялайды. АХҚО IFSB-ге 2017 жылы кірді.