Биыл аймақтардағы аналогтық хабар тарату кезең-кезеңімен тоқтатылады. Бұл туралы Ақпарат және коммуникациялар министрлігінің 2017 жылғы атқарған жұмыстары мен алдағы жоспарлары туралы халыққа есеп беру кездесуінде министр Дәурен Абаев мәлім етті.
- 2018 жылдың аяғына дейін Маңғыстау, Жамбыл және Оңтүстік Қазақстан облыстары цифрлық телерадио хабар таратуға көшеді. Еліміздің өзге аймақтары цифрлық хабар таратуға 2020 жылдың соңына дейін ауысады,- деді Дәурен Абаев.
Министрдің сөзінше, ауылды жерлерде 15-ке жуық сапалы телеарна, ал облыстық орталықтарда 30-дай жоғары сапалы арна тегін көрсетіледі.
Ая Өміртай
«Егемен Қазақстан»
