«Ашық Үкімет» жобасына ерекше назар аударамыз – Дәурен Абаев
230 рет
көрсетілді
1 мин
оқу үшін
«Ашық Үкімет» жобасына да біз ерекше назар аударамыз. Бұл «Ақпаратқа қолжетімділік» заңының аясында жүзеге асып отыр, деді Ақпарат және коммуникациялар министрлігінің есеп беру кездесуінде министр Дәурен Абаев.
- «Ашық деректер» порталы арқылы ел азаматтары екі мың сегіз жүзге жуық дерекке қол жеткізуге мүмкіндік алады. Алдағы уақытта бұл көрсеткіш арта түседі, - деді министр.
Сонымен қатар, осы порталдарда 25 мың нормативтік-құқықтық акт пен тура сондай көлемдегі бюджеттік бағдарламалардың жобалары орналасады.
- Кез келген азамат мемлекеттік органдары бірінші жетекшілерінің блог-платформалары арқылы өзін қызықтырған сұрақтарға жауап алуға мүмкіндік пайда болады. Сондай-ақ, «Ашық диалог» порталы арқылы интернет-конференцияларға да қатыса алады. Бұлралдардың барлығы ел тұрғындары мен мемлекет арасындағы көпірді нығайту мақсатында қолға алынып отыр, - деді министр.
