Жуырда ғана Чемпиондар лигасын жеңіп алған «Реал» командасы топ бастап тұр. Екінші орынға Еуропа лигасында топ жарған тағы бір испанияның «Атлетико» клубы жайғасқан. Үздік үштікті германияның «Бавария» командасы түйіндеді. Ал биылғы Еуропа лигасының 1/16 финалына дейін жеткен еліміздің «Астана» командасы УЕФА-ның жаңарған рейтингінде 67-ші орынға көтерілді.
Сондай-ақ Қазақстан премьер-лигасы УЕФА-ның ішкі біріншіліктер рейтингінде 22-орынға көтерілді. Мұнда да бірінші орынды Испания чемпионаты бастап тұр. Екінші орында ағылшын премьер-лигасы болса, үшінші орында Италияның «А» сериясы.
Әли БИТӨРЕ,
«Егемен Қазақстан»
