Жекпе-жек • 05 Маусым, 2018

Отгонцецег Галбадрах Мадридте қола алды

182 реткөрсетілді

Испанияның астанасы – Мадридте өткен Еуропаның ашық кубогында Қазақстанның бірнеше дзюдошысы бақ сынағанымен, солардың арасынан тек біреуіне ғана қола медаль бұйырды. Бұл жүлденің иегері – Отгонцецег Галбадрах.

Аса жеңіл салмақта бел­­десетін Отгонцецег жара­қа­тына байланысты ем-дом қабылдап, біраз уақыт боз кілемнен көрінбеген еді. Соған қарамастан ол Пиреней түбегінде өткен жарыста өзін жақсы қыры­нан көрсетті. Алғашқы екі белдесуде Испания мен Израиль өкілдерін ұтқан Олимпия ойындарының қола жүлдегері жартылай фи­­налда жергілікті балуан­ Лаура Мартинеске есе жіберді. Ал қола медаль үшін өткен бәсекеде Галбадрах Бельгияның бет­ке ұстары София Анна Жу­ра­ны жеңді. Ал осы турнирде өнер көрсеткен өзге қыздарымыз алғашқы бір-екі айналымнан аса алған жоқ. 

Ерлер бәсекесінде екі өреніміз ғана татамиге шық­ты. Алайда екеуі де ел үмітін ақтай алмады. 60 кило сал­мақтағы Рамазан Мамаев бастапқыда Италия мен Из­райль өкілдерінен айласын асырғанымен, үшінші кезеңде франциялық Лука Макензеге жол берді. Жұ­баныш бәсекесінде қан­да­сымыз Францияның тағы бір дзюдошысы Винсент Манквитске есе жіберді. 66 кило салмақ дәрежесінде белдескен Сұңғат Жұбатқан тұсаукесер кездесуінде испаниялық Сальвадор Рокадан ұтылды.

Ғалым СҮЛЕЙМЕН,
«Егемен Қазақстан»

Баннер
Соңғы жаңалықтар

Оңды қыз Ольга

Аймақтар • Кеше

Ақшағылдың Ерболы

Аймақтар • Кеше

Қолбасшы

Саясат • Кеше

Сабақтастықтың жүз күні

Президент • Кеше

Ұқсас жаңалықтар