Кәсіпқой бокс • 05 Маусым, 2018

Грузиялық боксшы 40 жылға сотталуы мүмкін

171 реткөрсетілді

Кезінде орта салмақтағы Грузияның танымал кәсіпқой боксшысы Автандил Хурцидзе WBA (Super), IBO, WBC (Interim) және IBF нұсқалары бойынша әлем чемпионы атанып отырған Қазақстанның өрені Геннадий Головкинмен жұдырықтасуға ерекше құлшыныс танытқан еді.

1979 жылы Кутаисиде туып-өскен Автандил 2002 жылдан бері кәсіпқой рингте күш сынасуда. Сол кезден бері 37 кездесу өткізген ол 33 рет жеңіске жетіп, 22 қарсыласын нокаутқа жіберді. 2 рет ұтылып, тағы 2 бәсекені тең аяқтады. 2011 жылы Хурцидзе IBO нұсқасының алтын белбеуін иеленсе, 2017 жылы WBO тұжырымы бойынша уақытша әлем чемпионы атанды. Грузия боксшысы өзінің соңғы 10 кездесуінің барлығында басымдық таныттты.

Былтыр Автандил Хурцидзе WBO нұсқасының толыққанды чемпиондық тәжі үшін ұлыбританиялық Билли Джо Сондерспен айқасуға тиіс еді. Алайда дәл сол жекпе-жек қарсаңында «ұйымдасқан қылмыстық топқа қатысы бар» деген күдікпен ол тағы 33 адаммен бірге қамауға алынды. Қазіргі кезде АҚШ соты оларды бірнеше ауыр бап бойынша айыптауда. Егер тағылған айыптар дәлелденсе, танымал боксшы 40 жыл мерзімге бас бостандығынан айырылуы мүмкін.

Ғалым СҮЛЕЙМЕН,
«Егемен Қазақстан»

Баннер
Соңғы жаңалықтар

Жаны қазақ Виктория

Қоғам • Кеше

Қандастарға қамқорлық

Аймақтар • Кеше

Қытай айнасының құпиясы

Аймақтар • Кеше

Өнер қонған өлке

Аймақтар • Кеше

Тасқа қашалған жыр

Аймақтар • Кеше

Инфляция ырыққа көне ме?

Экономика • Кеше

Алматыда жарық сөніп қалды

Аймақтар • 15 Шілде, 2019

Ұқсас жаңалықтар