Президент • 10 Маусым, 2018

Елбасы осы жылғы маңызды сапарлары туралы ой бөлісті

76 реткөрсетілді

Бүгін Президент Нұрсұлтан Назарбаев Қытайға мемлекеттік сапарын қорытындылап, қазақстандық БАҚ өкілдеріне сұхбат берді, деп хабарлайды ҚазАқпарат.

«Осы жылдың жартысы аяқталып келеді. Көпшіліктеріңізбен бірнеше елге сапарлас болдық. Ең біріншісі қаңтардағы Америка Құрама Штаттарына сапар естеріңізде болар. Сол жердегі үлкен бизнесмендермен кездесіп, 9 млрд долларға жақын қаражатқа екі елдің арасында келісімге қол қойылды. Іле-шала олардың көптеген бизнесмені Қазақстанға келіп, біздің іс адамдармен кездесіп, тағы да ынтымақтастықты жалғастырды», - деді Нұрсұлтан Назарбаев.

Мемлекет басшысы екінші маңызды сапары Ресейге жасалғанын атап өтті.

«Екі арадағы көп мәселелерге келістік. Әсіресе, Байқоңырға Қазақстанның қатынасуы болды. Байқоңырдың бір бөлігінде «Бәйтерек» деген бағдарламаны іске асырып, 2022 жылдан басап тисті зымыран іске қосылады. Қазақстанда жер серігін жасайтын зауыт салынып жатыр. Ресейдің басына түсіп отырған үлкен қиыншылыққа байланысты батыстың көптеген компаниясы Қазақстан арқылы жұмыс істеуден үмітті. Бізге де ол пайдалы», - деді Елбасы.

Нұрсұлтан Назарбаев үшіншісі Қытайға мемлекеттік сапары және Циндаодағы ШЫҰ самитіне қатысу болғанын айтты.

«Енді мінекей, Қытайға келіп отырмыз. Бұл елмен тәуелсіздік алғанға дейін ешқандай қарым-қатынасымыз болған емес. Керісінше, кезінде КСРО мен Қытай арасындағы жағдай шиеленісіп, екі арадағы шекарада адамдар өлген еді. Ал Тәуелсіздік алғаннан кейін, әсіресе соңғы 20 жылдың ішінде екі елдің арасындағы қарым-қатынас жақсара түсті», - деді Елбасы.

 

Баннер
Соңғы жаңалықтар

Біз - «BIRGE»!

Сайлау • Кеше

Сауаптан құр қалмаңыз

Руханият • Кеше

Игі істердің ұйытқысы

Руханият • Кеше

Ұқсас жаңалықтар