Салмағы 95 кило тартатын жігіт ағасы бүгінде төсімен 110 килодай темірді жабыстырып көтергенде еш ауырлығын сезінбейді.
Бұл қасиетін жиырма жыл бұрын байқаған екен. Алғашқыда қырық килоға дейін көтеріп жүрген, бүгінде жүз килодан асырды.
Нартайдың кеудесіне тек темір-терсек қана жабыса бермейді. Шыны ыдыстар мен пластмасса бұйымдар да тартылады.
Нартай өз қасиетін бойындағы биотогінің ерекше молдығымен түсіндіреді. Бірақ кезінде Кеңес Одағын шулатқан биотогі көп Кашпировский, Чумак сияқты емші болуға ықыласы жоқ.
Қолдың демеуінсіз өз салмағынан асатын темір-терсекті төсімен көтеріп жүрген азамат өз мүмкіндігін Алла берген қасиет деп ұғады.
Бақтияр ТАЙЖАН,
«Егемен Қазақстан»
Қызылорда облысы
