Облыстық білім басқармасы мұрындық болған айтулы шара «Жібек жолы» ойын-сауықтыру орталығында болды. Мемлекет Басшысы Нұрсұлтан Назарбаев: «Домбыра қазақтың жан дүниесімен байланысты. Күйді, домбыраның әуенін, сазын мұрнына жусан иісі барған әрі Ұлы дала төсінде өмірге келген қазақ қана түсіне алады. Себебі бұл ерекше музыка адамның жан дүниесін көрсетеді, яғни мұңды немесе қуанышты, ойды ашық байқатады. Кешкілік домбыраны шертіп отырған кезде барлығы ұмытылады. Маған бұл әсер ұнайды, сондай-ақ домбырада жақсы ойнайтын адамдарға құрметпен қараймын. Біздің қазақ халық әндері мен жырлары адамның жан-сезімін толқытады, оларда философиялық мазмұн бар. Қазақ әндері мен жырларында музыкаға емес, ондағы сөздерге мән беру керек. Бұл сөздердің мәні өте тереңде жатыр және олардың үлкен маңызы бар», - деген еді.
Мерекелік іс-шара бағдарламасында домбырашылар ансамблдерінен қазақ күйшілерінің шығармаларынан попурри, термелер, күйлер, трио ансамблдерінен әндер орындалды.
Бақтияр ТАЙЖАН,
«Егемен Қазақстан».
ҚЫЗЫЛОРДА ОБЛЫСЫ.
