Жасындай жарқылдаған жампоз

Астана қаласындағы «Ба­рыс Арена» мұз айды­нында Астананың 20 жыл­дық мерейтойы аясында кәсіпқой бокс кеші өт­ті. Бұл шараның басты жек­пе-жегі қазақстандық был­ғары қолғап шебері Бейбіт Шүменов (18-2, 12 КО) пен Түркия елінің бокс­шы­сы Хизни Алтункая (30-2, 17 КО) арасында өткен болатын.

Аталған бокс кеші алдын­да Бүкіләлемдік бокс ұйы­мының (WBA) кеңейтілген жиналысы өтті. Жиында WBA вице-президенті Хосе Оливер ұйымның жұмысы туралы кеңінен әңгімелеп, WBA неліктен Шүменовке қолдау білдіргенін айтып, оның кәсіпқой рингтегі мүмкіндіктеріне баға берді.

Егемен Қазақстан
09.07.2018 2083

– Алдымен Қазақстанға келгеніме қуанышты екенімді айт­қым келеді. Иә, Бейбіт ұйым­ның алғашқы ауыр салмақтағы бел­беуі үшін жұдырықтасады. Себе­бі Бейбіт белбеуді жекпе-жек­тен жеңіліп берген жоқ. Сондықтан біз оған чемпион­ды­ғын қайтарып алуға мүмкіндік беріп отырмыз. Жақсы жекпе-жек және Бейбіттің үлкен боксқа оралуын күтеміз. Қазақстанмен байланысымыз тығыз, мұнда WBA делегациясын ала келдік. Болашақта кіммен жұмыс істеуге болатынын қарап жүрміз. Қазақстанда кәсіпқой боксшылар қатары көбейіп келеді, – деп атап өтті Хосе Оливер. Сондай-ақ ол Қазақстанда әуесқой бокстың қарқынды дамып келе жатқанын, әуесқой бокстағы жетістіктерімізден хабардар екенін жеткізді. Болашақта қазақ боксшыларымен тығыз қарым-қатынаста жұмыс істеп, біздің елдің боксшыларына басымдық беретіндерін де тілге тиек етті.

Негізгі жекпе-жек басталмас бұрын, «Барыс Арена» спорт кешеніне жиналған жанкүйер қауым кәсіпқой бокста бақ сынап жүрген бір топ қазақстандық боксшылардың өнерін тамашалады. Бокс кешінің шымылдығын қазақ еліне әншілік қырымен танылған Ибрагим Ескендір (4-0, 4 КО) ашып берді. Ол ресейлік қарсыласы Серік Әжібаевты (0-1) бірінші раундтың алғашқы минутында, ал бірінші ауыр салмақта сынға түсетін Еділ Қожамбердиев (4-2, 4 КО) тағы бір ресейлік боксшы Сергей Белошапкинді (11-27-1, 3 КО) екінші раундта техникалық нокаут-
пен жеңді. 2004 жылы Афины Олимпиадасына қатысқан жеңіл салмақтағы Мейіржан Рахымжанов кәсіпқой бокстағы дебют кездесуін өткізіп, бірін­ші раундтан соң төрешілер шешімімен жеңіске жетті. Уә­лихан Бисенқұлов (6-0, 6 КО) сегіз раундқа жоспарланған кез­десуде әзербайжандық қарсы­ласы Анар Абдуллаевты (2-2, 2 КО) кездесудің екінші раундында техникалық нокаутпен тізе бүктірді.

Сондай-ақ Айдан Елжанов (5-1, 3 КО) әзербайжандық Ас­қар Рагимовті (2-1, 1 КО) ұпай санымен, Диас Тастеміров (3-0, 3 КО) жеңіліп көрмеген Әзер­байжан елінің боксшысы Эль­вин Ахунзаданы (5-1, 2 КО) екінші раундта мерзімінен бұрын жеңді. Ал Бобыржан Момы­нов (7-0, 6 КО) Грузиядан келген Гиорги Блиадзені (8-7, 3 КО) бесінші раундта техни­калық нокаутпен жеңді. WBA Asia белдігі үшін шаршы алаң­ға Айдос Ербосынұлы (8-0, 6 КО) мен әзербайжандық Ис­мат Эйнуллаев (13-3, 9 КО) шы­ғып, отандасымыз алғашқы раунд­та қарсыласынан басым түсіп, карьерасындағы тұңғыш белдігіне қол жеткізді. Арман Рысбек (4-0, 3 КО) грузиялық боксшы Сандро Терашвилиден (5-2, 2 КО) бірінші раундтың бірінші минутында басым түсті. Негізгі жекпе-жек алдындағы соңғы кездесуде қазақстандық Әли Балоев (5-0, 4 КО) әзер­бай­жандық былғары қолғап шебері Казим Умудовты (2-0, 1 КО) 30 секунд ішінде сұлатып салды.

Ал бокс кешінің басты жекпе-жегі жоғарыда айтқанымыздай, Бейбіт Шүменов пен түркиялық Хизни Алтункая арасында өр­біді. Бұған дейін өткізген 29 жекпе-жегінің тек біреуінде ғана жеңілген түркиялық боксшыны осал деп айта алмаймыз. Өйткені ол 17 қарсыласын мерзімінен бұрын, яғни нокаутпен жеңген. Он екі раундтық форматта өткен жекпе-жекте ортаға  бірінші ауыр салмақтағы WBA тұжырымының вакантты белдігі сарапқа салынды.

Араға екі жылдан аса уақыт салып кәсіби шаршы алаңға оралған қазақстандық боксшы Бейбіт Шүменов кездесу бастала сала қарсыласын соққының астына алып, бірінші раундта бір рет нокдаунға түсірді. Бүйірден тиген соққыдан кейін түрік боксшысы бір тізерлеп алды. Осылайша, отандасымыз өзінің бокста алынбай қалған еншісі бар екенін, үлкен боксқа бостан-босқа оралмағанын дәлелдей түскендей болды. Кейінгі раундтарда екі боксшы да бір-бірінің осал тұсын іздеп, біраз аңдысып бақты. Дегенмен, Бейбіт реті келгенде шабуылға шығып, қарсыласын соққысымен бұрыштан-бұрышқа тықсырумен болды.

Жекпе-жектің төртінші бөлі­гіне келгенде Бейбіт Шүме­нов­тің екінші тынысы ашылған­дай, шабуылды үдете түсті. Оның ауыр соққылары қарсы­ласының есін жидырмай, əбден титықтатты. Қаша жүріп жұды­рық­тасқан Хизни де өзінің қара­жаяу еместігін дәлдеп баққысы келді. Орайы келгенде соққы жа­сап қалуға ұмтылды. Бірақ оны­сынан түк шықпады. Тоғы­зын­шы раундта Бейбіттің дөп тиген тағы бір соққысынан кейін Хизни Алтункая екінші рет нокдаун алды. Осы бір соққыдан соң түркиялық боксшы жекпе-жекті жалғастырудан бас тартып, жеңілгенін мойындады. Техни­калық нокаут!

Сонымен екі жылдық үзі­ліс­тен шаршы алаңға жеңіс үшін, чем­пиондық атақ үшін қайта оралған 34 жастағы Бейбіт Шү­менов өзінің 18-ші жекпе-же­гінде жеңіске жетіп, бірінші ауыр салмақтағы WBA тұжырымының чемпиондық белдігін иемденді. Астананың 20 жылдық мерейтойына орай өткізген бокс кешінен соң Бейбіт Шүменов сөз сөйлеп, жеңісін Астана күніне арнады.

Айта кетейік, Шүменов кә­сіп­қой бокстағы соңғы кездесуін 2016 жылдың мамыр айында америкалық Джуниор Энтони Райтқа қарсы өткізіп, техникалық нокаутпен жеңіске жеткен болатын.

Әли БИТӨРЕ,

«Егемен Қазақстан»

СОҢҒЫ ЖАҢАЛЫҚТАР

18.07.2018

Әлемнің 20-дан астам елінің үздік сәулетшілері Қазақстанның елордасында бас қосты

18.07.2018

Дәрен Абаев: «Шалқар» радиосының таратылымын кеңейту жұмыстары толық аяқталды

18.07.2018

Қазақстанның бірнеше облысында дауылды ескерту жарияланды

18.07.2018

Парижден 65 млн еуроға пәтер сатып алған қазақстандық кім?

18.07.2018

«Эйр Астана» Skytrax World Airline Awards сыйлығының жеті дүркін лауреаты атанды

18.07.2018

Түркістан облысында алты айда 202,4 мың шаршы метр тұрғын үй пайдалануға берілді

18.07.2018

Триатлоннан өтетін ашық турнирде 300 адам жарысқа түседі

18.07.2018

Ақылы автотұрақ төлемін мобильді қосымша көмегімен төлеуге болады

18.07.2018

Сыр өңірінде жыл басынан бері 228 мың шаршы метр тұрғын үй пайдалануға берілді

18.07.2018

Қазақстандық суретші Ядросыз болашақ үшін» сыйлығын жеңіп алды

18.07.2018

Әміре ауылындағы той

18.07.2018

Қызылордада АӨК саласында 10 инвестициялық жоба жүзеге асырылмақ

18.07.2018

Қамбаш көлінде демалушылардың қатары жыл сайын көбейіп келеді

18.07.2018

Сыр өңірінде жазасын өтеушілер диплом алып жатыр

18.07.2018

Қызылордада қалалық аурухана жаңа құрылғылармен толықты

18.07.2018

Жалағаш ауданында күн электр станциясының құрылысы басталды

18.07.2018

Елімізде жеңіл автокөліктердің саны артты

18.07.2018

Ұлттық ұланның «Шығыс» өңірлік қолбасшылығы жас офицерлермен толықты

18.07.2018

Ханшалар киген қасаба

18.07.2018

Степ­ногорск қалалық тарихи-өлкетану музейі ашылды

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Ауыл шаруашылығын цифрландыру болашақтың баламасыз жолы

Әлем елдерінде қазіргі уақытта ауыл шаруашылығын цифрландыру қарқынды түрде жүріп жатыр. Уақыт өткен сайын бұл салада неше түрлі жаңа технологиялар пайда болып, олар жедел түрде өндіріске ен­гізілуде. Мәселен, Еуропадағы компания­лар енді егістік жағдайын зерттеумен ай­на­лысатын дрондарды да шығара бас­тады. Бұл машиналар фермерлердің егіс шы­ғымдылығын алдын ала болжап бі­лу­леріне жағдай туғызуда. Осы үдеріс ке­ңі­нен қанат жая келе, бүкіл ел бойынша әрбір егіс алқабының шығымдылығын күні бұрын анықтау мүмкіндігі пайда болатын көрінеді. 

Ермухамед Мәулен, «Егемен Қазақстан»

Аяқдоп аламаны аяқталды

Әлем чемпионаты – тағатсыздана күткен футбол тойы еді. Енді барлығы аяқталып, той тарқасымен біз де алған әсерімізбен бөлісе кетсек. Бұл біріншілік несімен есте қалмақ?

Думан АНАШ, «Егемен Қазақстан»

Биографиялық фильмдердің бәсі биік болуы тиіс

Кейінгі кезде «Еуразия бірінші арнасынан» әйгілі кеңестік манекенші-модель, сән әлемінде «Кремльдің ең әдемі қаруы» және «Кеңестік Софи Лорен» атанған Регина Збарская туралы сериа­л көрсетіліп жатыр. Былай қарасаңыз, сән әлемінің кіндігі саналған Парижді тәнті еткен өмірі жұмбаққа толы сұлудың сол кездегі кеңестік қасаң қағидаларға сыймаған ғұмырын өзгеше қырынан бейнелеген қарапайым, бірақ кемел түсірілген Ресейдің кезекті киноөнімдерінің бірі. 

Бекен ҚАЙРАТҰЛЫ, «Егемен Қазақстан»

Халық әнінің тоналу тарихы

Елбасы Нұрсұлтан Назарбаев «Бо­лашаққа бағдар: рухани жаңғыру» атты бағ­дарламалық мақаласында, жаңғыру елдің ұлттық-рухани тамырынан нәр ала алмаса, ол адасуға бастайды», деді. Елдің ұлттық-рухани тамыры дегеніміз не? Ол ха­лықты сан ғасырдан бері адастырмай, алып келе жатқан салт-дәстүрі, фольклоры, әні мен жыры. Осылардың ішінде әннің ұлт руханияты үшін орны айрықша. Дана Абай атамыз, «Ұйықтап жатқан жүрек­ті ән оятар, Үннің тәтті оралған мәні оятар» дегенді бекер айтқан жоқ.

Әлисұлтан ҚҰЛАНБАЙ, «Егемен Қазақстан»

Ормуз бұғазы жабылған жағдайда...

Осы айдың басында Иран Ислам Рес­публикасының президенті Хасан Рухани Швейцария еліне жасаған сапары кезінде мұнай импорттаушы мемлекеттер Иранның мұнайын сатып алмаған жағдайда Ормуз бұғазын жауып тастайтындарын мәлімдеді. Президенттің бұл мәлімдемесі АҚШ билігінің Иран мұнайын сатып алмауға өз одақтастарын ықтиярсыз көндіруге бағытталған қысымына байланысты болса керек.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу