Әскери қызметшілер, әсіресе Қазақстан тарихын, батырлардың ерліктері жайлы шығармаларды, жалпы көркем әдебиетті оқуға ынталы. «Батыс» өңірлік әскери қолбасшылығы Мемлекет басшысының «Болашаққа бағдар: рухани жаңғыру» бағдарламалық мақаласы шыққан алғашқы күннен бастап осы бағыттағы жұмыстарға ерекше мән беріп келеді.
25744 әскери бөлімі командирінің орынбасары Елдос Бозғұлов: «Қызметтің алғашқы кезеңінде сарбаздарға нағыз Отан қорғаушы ретінде қалыптасуларына бағыт беретін кітаптарды ұсынамыз. Мысалы, Нұрсұлтан Назарбаевтың «Қазақстан жолы», Ілияс Есенберлиннің «Көшпенділер», Сағадат Нұрмағамбетовтің кітаптарын сарбаздар қолдан-қолға тигізбей оқиды. Негізінен қазақ тіліндегі әдебиетке деген сұраныс жоғары, сондықтан кітапхана қорын үнемі толықтырып отырамыз», – дейді.
Бақытгүл БАБАШ,
«Егемен Қазақстан»
АТЫРАУ
