Данияр Кардиффтегі (Уэльс) Ice Arena Wales алаңында мажарстандық Габор Горбичті (24-11, 14 КО) жеңді. Алты раундқа жоспарланған жартылай орта салмақ дәрежесіндегі жекпе-жекте Данияр барлық төрешінің ортақ дауысымен жеңіске жетті. Бұл Даниярдың кәсіпқой рингтегі үшінші жеңісі. Ал қарсыласы осымен 12 мәрте жеңілістің ащы дәмін татты.
Еске сала кетсек, Д.Елеусінов 28 сәуірде профи-рингте алғаш рет қолғап түйістірді, ол жолы боксшы америкалық Ноа Кидті (3-1-1, 2 КО) үшінші раундта техникалық нокаутпен жеңді. Кейін 6 маусымда Лондонда мажарлық Золтан Шабоны (25-12, 11 КО) ұтты.
