![Биыл «Семей-Қайнар» жолын жөндеу жоспарда жоқ](/article_photo/1533613051_article_b.jpeg)
Осы мақсатта, 2015 жылдан бері автомобиль жолдарын салу және реконструкциялау жұмыстарын қарқынды дамытуды көздейтін «Нұрлы жол» мемлекеттік инфрақұрылымды дамыту бағдарламасы жүзеге асырылуда. Аталған мемлекеттік бағдарлама аясында Шығыс Қазақстан облысының автожолдарын дамытуға бағытталған ауқымды жобалар іске асырылып келеді. Атап айтар болсақ, республикалық желінің негізгі дәліздері болып табылатын «Қалбатау – Майқапшағай» (415 км), «Таскескен – Бақты» (20 км), «Павлодар – Семей – Қалбатау» (125 км), «Осин асуы» (32 км), «Талдықорған – Өскемен» (449 км) бағыттарындағы автожолдарды реконструкциялау жобалары жүзеге асырылуда.
Биыл Шығыс Қазақстан облысының республикалық маңызы бар автомобиль жолдарын дамыту және жөндеу жұмыстарына 34,7 млрд теңге көлемінде қаражат бөлінді, соның ішінде 27,1 млрд теңге республикалық маңызы бар автожолдарға және 7,6 млрд теңге жергілікті маңыздағы автожолдарға бағытталған. Аталған жобалар аяқталғаннан кейін Шығыс өңірінің тұрғындарын облыс орталықтармен және маңызды әкімшілік орталықтармен байланыстыратын сапалы автомобиль жолдарымен қамтамасыз етуге толық мүмкіндік болады.
Жоғарыда аталған «Нұрлы жол» мемлекеттік бағдарламасында «Семей-Қайнар» автомобиль жолын реконструкциялау жұмыстары қарастырылмаған. Сол себепті, «Семей-Қайнар» автомобиль жолының техникалық жай-күйі жыл сайынғы бөлінетін қаражат есебінен ағымдағы жөндеу және күтіп ұстау жұмыстары шеңберінде сақталуда. Өткен жылы «Семей-Қайнар» автожолындағы Ащысу өзені арқылы өтетін көпір күрделі жөндеуден өтті. Оған республикалық бюджеттен 168 млн теңге қаржы бөлінген болатын. Сондай-ақ осы автожолдың ұзақтығы 13 км учаскесіне ресайклинг әдісін қолдану арқылы орташа жөндеу жұмыстары жүргізілді. Оған 213 млн теңге бөлінді.
2018 жылғы жөндеу жұмыстарының жоспар жобасын құру кезінде «Семей-Қайнар» автожолының 38 шақырымына жөндеу жұмыстарын жүргізу қарастырылған болатын. Алайда бюджеттен бөлінген қаражаттың шектеулі болуына байланысты Шығыс Қазақстан облысының республикалық маңызы бар басым автожол учаскелері анықталып, «Семей-Қайнар» автожолы жөндеу жоспарына қосылған жоқ. Дегенмен жыл сайынғы күтіп ұстау жұмыстары шеңберінде автожолдың техникалық жай-күйін сақтауға бағытталған жол шұңқырларын жөндеу, шағыл тас жабынды учаскелерді тегістеу сияқты жұмыстар жүргізіледі. Мысалы, өткен жылы аталған автожолдың ауданы 65 мың м2 учаскесіне жол шұңқырларын жөндеу жұмыстары жүргізілген болса, биыл 81 мың м2 жол шұңқырларын жөндеу, 21 мың м2 маршрутты тәсілмен жөндеу, 119 мың м2 шағыл тасты жабындыны тегістеу жұмыстары жүргізілуде.
Алдағы уақытта бюджеттік қаражаттың бөліну мүмкіндігіне қарай «Семей – Қайнар» автожолын жөндеу мәселесі қаралатын болады.
Жол жөндеу жұмыстары жүргізілгенге дейін, автожолдардың техникалық жай-күйі күтіп ұстау есебінен сақталып, автокөлік құралдарының қауіпсіз және үздіксіз қозғалысын қамтамасыз етеді, делінген аталған ресми жауап хатта.