Тарих • 09 Тамыз, 2018

Батыс Қазақстан облысында ғажайып жәді­гер сақталған

450 реткөрсетілді

Батыс Қазақстан облыстық тарихи-өлке­­тану музейінде біздің дәуірімізге дейінгі ІІІ ғасырға жататын ғажайып жәді­гер сақталған. Ғалымдар «фалар» деп атаған бұл күміс табақшалар кәдімгі ат әбзелі – өмілдірік-құйысқанға бекіті­ліп, көр­кем­деп тұратын металл жапсырма екен.

Археология ғылымында сарматтар кезеңіне (Біздің дәуірімізге дейінгі III ға­сыр­дан – біздің дәуіріміздің IV ғaсыры aра­лығы) жататын бұл ерекше құнды жәді­герлерді 1981 жылы А.Пушкин атындағы Орал педагогикалық институтының Ғаяз Кушаев басқарған археологиялық экспедициясы тапқан. Табылған жері – қазіргі Батыс Қазақстан облысы, Зеленов ауданының аумағындағы Володарка І бейітіндегі №4 оба.

Ғалымдардың зерттеуіне қарағанда, бұл бейіт және табылған жәдігерлер б.д.д. ІІІ-ІІ ғасырларға жатады. Фалар күмістен жасалған, жұқа алтын жапсырмамен көмкерілген, бетіндегі бейнелер шекіме әдісімен түсірілген.

Фалардың жалпы диаметрі – 24,6 см. Жалпы, сарматтар кезеңіне қатысты мұндай фаларлар бұрын-соңды талай табылған. Бірақ олар негізінен кішкентай болып келеді. «Дәл осындай көлемді фалар Санкт-Петербург­тегі Эрмитажда ғана сақталған» дейді музей қызметкерлері.

Мамандардың пікірінше, қалқаншада грек мифологиясында айтылатын үш басты Химерамен күресіп жатқан Беллерофонт бейнеленген. Сол сюжеттің қазақ даласынан шыққаны қызық.

– Ең қызығы, фалардың бетіндегі сурет алыстағы грек аңызынан алынғанымен, ғалымдар өнер туындысын жергілікті, яғни сармат шеберлері жасаған деген болжам айтады, – дейді ұзақ жыл осы музейде қор бөлімінің меңгерушісі болып қызмет еткен, бүгінде Батыс Қазақстан облыстық мәдениет басқармасының бөлім басшысы Гүлмира Қауланова.

Қазбек ҚҰТТЫМҰРАТҰЛЫ,

«Егемен Қазақстан»

Баннер
Соңғы жаңалықтар

Үйретері көп үйірме

Аймақтар • Бүгін, 08:59

Медицина музейі ашылды

Аймақтар • Бүгін, 08:57

Корей асханасы елордада

Қоғам • Бүгін, 08:55

Омыртқа – бүкіл ағзаның ұстыны

Аймақтар • Бүгін, 08:50

Ұлы есімдер ұлықталады

Руханият • Бүгін, 08:35

Тектілік феномені

Руханият • Бүгін, 08:27

Ұлық жырдың ұзаны

Руханият • Бүгін, 08:25

«Егеменнің» тойы – елдің тойы

Руханият • Бүгін, 08:10

Ұқсас жаңалықтар