Әлем • 16 Тамыз, 2018

Астана хабы Корея Республикасымен ынтымақтастықты нығайтуда

392 рет
көрсетілді
1 мин
оқу үшін

Сеулде Астана мемлекеттік қызмет хабы басқарушы комитетінің төрағасы Алихан Байменов пен Корея Республикасының Персоналды басқару министрі Пан Сук Ким екі ұйым арасындағы ынтымақтастық туралы меморандумға қол қойды.

Астана хабы Корея Республикасымен ынтымақтастықты нығайтуда

«Кореяның адам ресурстарын басқару саласындағы, оның ішінде мемлекеттік қызметкерлерді іріктеу және жоғарылату бойынша тәжірибесі Астана хабының қатысушы елдері үшін үлкен қызығушылық тудырады», - деді Алихан Байменов.

Пан Сук Ким мырза үздіксіз білім мен тәжірибе алмасуды қамтамасыз ететін тұғырнама ретіндегі жұмысын жоғары бағалады. «Хаб - мемлекеттік қызметті дамыту үшін ерекше және пайдалы алаң. Меморандум біздің ынтымақтастығымызға жаңа серпін беретініне үміттенемін», - деді министр.

Меморандум аясында мемлекеттік қызметте адам ресурстарын басқару, жалақы жүйесі, мемлекеттік қызметшілерді іріктеу сияқты тақырыптар бойынша бірлескен зерттеулер мен тренингтер өткізу, сондай-ақ инновациялық шешімдер бойынша тәжірибе алмасу жоспарлануда.

Кездесу барысында тараптар мемлекеттік қызметті дамыту туралы басылымдар мен материалдар алмасты.

Хабқа қазір 40 ел қатысады, оның арасында ЭЫДҰ, ТМД, Орталық Азия және ASEAN елдері бар.

Соңғы жаңалықтар

Су үнемдейтін қондырғы

Технология • Кеше