Бес қабатты заманауи Студенттер үйі Ахмет Байтұрсынов және Кенен Әзірбаев көшелерінің қиылысынан бой көтермек. Қазіргі таңда мемлекеттік сатып алу заңнамасына сәйкес құрылыс мәселелері бойынша құзырлы орындармен келісім жасалып, жобалық-сметалық құжаттама әзірлеуге келісімшарт түзілді. Қызметтерді орындау мерзімі - қараша айының басы. Жобалық-сметалық құжаттама қолға алынғаннан кейін, құрылыс жүргізу басталады.
Бұл Елбасының бес әлеуметтік бастамасы: «Жоғары білім алудың қолжетімділігі мен сапасын арттырып, студент жастардың жатақханадағы жағдайын жақсарту» негізінде жүзеге асқалы отыр.
