Аймақтар • 30 Тамыз, 2018

Шахтер еңбегінің ерен мерекесі

61 реткөрсетілді

Тамыз айының соңғы жексен­бісі қарағандылықтар үшін бас­ты мереке күндерінің бірі. Кен­шілер астанасы Шахтер күнін атап өтеді. Дәстүрлі мерекеге соңғы күндері жиілеген жауын-шашын бөгет бола алмады. Бұл жолы да негізгі думан Қараған­дының Орталық саяба­ғында бас­талып, шахтерлер көптеп тұра­тын қанаттас Саран, Абай, Шахтинск қалаларында да ерекше салтанатпен мерекеленді. Ал об­лыс орталығындағы Кенші­лер мәдениет сарайында атаулы күнге орай жиын болып, шах­тер­лерді марапаттау рәсімі өтті. 

– Сіздерге орасан еңбектеріңіз үшін алғыс айтқым келеді. Биыл «АрселорМиттал Теміртау» АҚ басшылығымен келісімге қол жеткізіп, ресми құжатқа сәйкес, компания өндіріс нысандарына үш жыл ішінде 305 млрд теңге инвестициялайтын болды. Бұл қаражат шахталарды дамытуға, еңбеккерлердің қауіпсіздігін арттыруға жұмсалмақ. Кәсіби мерекелеріңізбен шын жүректен құттықтаймын, – деді салтанатты жиында облыс әкімінің орынбасары Алмас Айдаров.

Шахтерлер мен еңбек ар­да­гер­­лерін «АрселорМиттал Темір­тау» АҚ-тың атқарушы ди­рек­­­торы Вадим Басин де кәсіп­­орын басшылығының атынан арнайы құттықтады. 

– Бүгінгі күн Қарағанды үшін ерекше, өйткені бұл осы өңір­дің негізін қалаушы шахтер ең­бе­гінің мерекесі, – деді ол. Осын­­­дағы мыңдаған адам­дар­дың өмірі шахтердің үлкен құр­метке лайық ауыр еңбегі­мен бай­ланысты. Өңірдің игілік­тері тікелей сіз­­дер­дің қажыр­лы ең­бек­­тері­ңіз­­дің жемісі. Әсіресе ардагер шах­­тер­лерге алғысымыз шек­сіз, сіз­дер­дің арқаларыңызда қазір б­іздің қалыптасқан еңбек дәстүр­лері­міз, жолдарыңызды қуған ізбасарлар бар. 

Осыдан кейін бірқатар кен­ші­лерге түрлі марапаттар табыс етілді. «Тентек» шахта­сын­­дағы конвейерлік көлік учаскесі­нің басшысы Р.Валеев, тазарту кен­жарының жұмысшылары Г.Виговский (Ленин атындағы шахта), Л.Котов («Шахтинск» шахтасы), Б.Махамбетов («Абай» шахтасы), С.Чернышов (Т.Күзем­баев атындағы шахта), проход­чиктер О.Проскурнин (Костенко атындағы шахта) мен Қ.Мұрынбаев («Қазақстан» шахтасы), «Саран» шах­та­сы­ның жерасты электрслесарі  И.Свиридов І дәрежелі «Шахтер даңқы» белгі­сімен марапатталды. Соны­мен қатар ІІ дәрежелі «Шахтер» даңқы белгісімен 17 шахтер, ІІІ дәрежелі белгімен 25 шахтер наг­­радталды.

Ал үш дәрежелі «Еңбек даң­қы» белгісінің әр дәрежесімен он екі адамнан, барлығы 36 шахтер марапатталды. Сондай-ақ он­да­ған кеншілердің еңбегі мереке үс­­тінде Қарағанды облысы әкі­мі­­нің Құрмет грамотасымен және Алғыс хаттармен аталып өтті. 

Қайрат ӘБІЛДА,

«Егемен Қазақстан»

ҚАРАҒАНДЫ

Баннер
Соңғы жаңалықтар

Ұқсас жаңалықтар