Жарыстың алғашқы күні тәжіктің ұлттық спорты – белбеу күресі (Гуштини милли камарбанди), сонымен қатар тоғызқұмалақ, мангала және овари ойындары бойынша сайыстар өтеді.
Көшпенділер ойындары 2-8 қыркүйек арасында өтеді. Биылғы сайысқа 80 елден 3000-нан астам сайыпқыран келген. Олар 37 этноспорт түрі бойынша сынға түседі. Спортшылар 174 алтын, 173 күміс, 247 қола медальді сынға салады. Ойындардың жалпы қоры – 28 миллион сомға жуық.
Үшінші рет өтіп отырған Дүниежүзілік көшпенділер ойындарына жиналған сайыпқырандар бірден бірнеше жерде – әсем табиғаты тамсандыратын, тау етегіндегі таңғажайып Қыршын жайлауында, Қырғызстанның курортты қаласы Шолпан атадағы спорт кешендерінде сынға түседі.
Жалпы, Дүниежүзілік көшпенділер ойындары – Қырғызстан тарапының бастамасымен жүзеге асып жатқан ауқымды шара.
