2011 жылғы 21 желтоқсанда Оңалсын Жұмабековтің төрағалығымен Қазақстан Республикасы Жоғары Сот Кеңесінің кезекті отырысы өтті.
Отырыста судьялардың ауысушылығы, соттардың ұйымдық қызметін және материалдық-техникалық қамтамасыз ету мәселелері қарастырылды, Кеңестің 2011 жылғы жұмысы қорытындыланды және оның 2012 жылға арналған жұмыс жоспары бекітілді.
Одан басқа, отырыста сот жүйесіндегі кадрлық мәселелер қарастырылды, оның аясында ағымдағы жылдың 7 қазанында жарияланған аудандық және оған теңестірілген соттардың 58 және 14 облыстық соттардың судьяларының бос қызмет орындарына орналасуға конкурс өткізілді.
Конкурсқа 585 адам қатысты. Орташа алғанда, конкурста аудандық сотының судьясы орнына 9 және облыстық сотқа 4 адамды құрады. Аудандық соттың судьясы орнына конкурстан өткен және ұсынылған тұлғалардың орташа жасы 36 жасты құрайды.
Конкурсанттар туралы ақпарат алдын ала Жоғарғы Соттың интернет-сайтында орналастырылды, бұқаралық ақпарат құралдарында жарияланды, «Нұр Отан» ХДП жанындағы Жемқорлықпен күрес жөніндегі республикалық қоғамдық Кеңесінің және осы аталған Кеңестің жанындағы Қазақстан Республикасының сот органдарының қызметін сыртқы бағалау қоғамдық бақылау комиссиясының назарларына ұсынылды, сондай-ақ облыстық және оған теңестірілген соттарға жіберілді. Шешім қабылдау кезінде конкурсанттар туралы түскен пікірлер ескерілді.
Қазақстан Республикасының Президенті Әкімшілігінің Мемлекеттік-құқық бөлімі.