Қазақстан Республикасы Үкіметінің қаулысы № 1426

2011 жылғы 1 желтоқсан,  Астана, Үкімет Үйі «Білім беру қызметіне қойылатын лицензиялау ережесі мен оған қойылатын біліктілік талаптарын бекіту туралы» Қазақстан Республикасы Үкіметінің 2007 жылғы 2 маусымдағы № 452 қаулысына өзгерістер енгізу туралы Қазақстан Республикасының Үкіметі қаулы етеді: 1. «Білім беру қызметіне қойылатын лицензиялау ережесі мен оған қойылатын біліктілік талап­тарын бекіту туралы» Қазақстан Республикасы Үкіметінің 2007 жылғы 2 маусымдағы № 452 қаулы­сына (Қазақстан Республикасының ПҮАЖ-ы, 2007 ж., № 18, 202-құжат) мынадай өзгерістер енгізілсін: 1) тақырыбы мынадай редакцияда жазылсын: «Білім беру қызметін лицензиялау кезінде қойылатын біліктілік талаптарын бекіту туралы»; 2) 1-тармақтың 1) тармақшасы алынып тасталсын; 3) көрсетілген қаулымен бекітілген білім беру қызметін лицензиялау кезінде қойылатын біліктілік талаптарында: 1, 5 және 13-тармақтар алынып тасталсын. 2. Осы қаулы 2012 жылғы 31 қаңтардан бастап қолданысқа енгізіледі және ресми жариялануға тиіс. Қазақстан Республикасының Премьер-Министрі  К.МӘСІМОВ.