Аймақтар • 17 Қыркүйек, 2018

Тоғыз тонна есірткі тәркіленді

152 реткөрсетілді

Шымкент қаласында орналасқан Халықаралық штаб бірнеше елдің құқық қорғау органдарының өзара бірлескен әрекеттерін үйлестіру арқылы ауқымды операцияны жүзеге асырды. Атап айтсақ, Ұжымдық қауіпсіздік туралы шарт ұйымы (ҰҚШҰ) мүше-мемлекеттерінің есірткіге қарсы күрес бөлімшелері, сонымен қатар Иран Ислам Республикасы мен Қытай Халық Республикасының қатысуымен халықаралық «Канал – Красный бархан» есірткіге қарсы операция өз мәресіне жетті.

Еуропалық Одақ, Еуропалық қауіпсіздік және ынтымақтастық ұйымы, Қылмыстық кірістерді және терроризмді қаржыландыруды заңдастыруға қарсы іс-қимыл жөніндегі Еуразиялық топ, БҰҰ-ның Есірткі және қылмыс жөніндегі Өңірлік басқармасы, ОАӨАҮО халықаралық ұйымдардың қызметкерлері бақылаушы міндетін атқарған операцияға 22 мыңнан астам құқық қорғау органдарының қызметкерлері қатысқан. Апиын контрабандасы арналарының жолын кесу, трансұлттық есірткі топтарының қызметіне, есірткі кірістерін заңдастыруға тосқауыл қою, заңсыз айналымдағы қару-жарақтар, оқ-дәрілер мен жарылғыш заттарды тәркілеу негізгі міндеттері болып табылатын «Канал – Красный бархан» операциясы барысында Қызылорда және Жамбыл облыстарында қарасораны заңсыз өсіру мен дайындауға қарсы күрес шаралары қатар жүргізілді. Ішкі істер министрлігінің мәліметі бойынша, операция барысында брондалған 4 «Тигр» автокөлігі, «Багги» сыныбына жататын 6 бірлік, жүріп өту мүмкіндігі жоғары 15-тен астам автокөлік, МИ-171Е тік ұшағы қолданылған. Ауқымды іс-шаралар нәтижесінде қатысушы-мемлекеттер аумағында заңсыз айналымнан 9 тонна есірткі, оның ішінде 5 тонна апиын, 38 кг героин, 2 тонна синтетикалық есірткілер, 800 кг гашиш және 830 кг марихуана, сонымен қатар 115 бірлік қару-жарақ, 2,5 мыңға таяу оқ-дәрілер, 127 мың АҚШ доллары көлемінде бағалы материалдық және басқа да заттар тәркіленген. Бұдан бөлек 719 есірткі қылмысы ашылып, 7 мыңға таяу қылмыстық іс қозғалды. Заңсыз әрекеттері үшін 500 адам әкімшілік жауапкершілікке тартылған.

Сондай-ақ, министрліктің хабарлауынша, арнайы операция шеңберінде ІІМ «Дельта-Долина» бөлімшесінің аумағында Қазақстан және Қырғызстан ІІМ кинологиялық қызметтерінің бірлескен жаттығулары, қызметтік-іздестіру иттерінің көрнекі өнер көрсетулері өткізілген.

Ғалымжан ЕЛШІБАЙ,

«Егемен Қазақстан»

Шымкент

Баннер
Соңғы жаңалықтар

Карнегиде ән салады

Руханият • Бүгін, 10:21

«Хат қоржын» (27.06.2019)

Қоғам • Бүгін, 10:18

Арыс, біз біргеміз!

Аймақтар • Бүгін, 09:53

Апатта босанған ана

Аймақтар • Бүгін, 09:36

Газ құбыры құрылысы ойдағыдай

Қазақстан • Бүгін, 09:33

Салық жүйесі жетілдіріледі

Экономика • Бүгін, 09:28

Зардап шеккендермен кездесті

Аймақтар • Бүгін, 09:27

Кемеңгерлік келбеті

Қазақстан • Бүгін, 09:23

Агросектордың әлеуеті қандай?

Қазақстан • Бүгін, 09:15

Апаттың алдын алу мүмкін бе еді?

Аймақтар • Бүгін, 09:13

«Егеменнің» еңбегі еленген күн

Қазақстан • Бүгін, 09:03

Әрі ақын, әрі жазушы

Руханият • Бүгін, 00:18

Ұқсас жаңалықтар