Жылдың 7 айында экспортталған өнімнің бағасы өткен жылдың осы мерзімімен салыстырғанда 947 млн доллар болған. Облыста ұн 8 процентке,астық 4 есе, темір кені өнімдері 20 процентке, асбест 2,1 процентке артық экспортталған.
«Қостанай облысы өнімін 90 елге шығырады. Соның ішінде Ресейге барлық экспортталған өнімнің 53 процентін артады. Иран мен Ауғанстанға және жаңа нарыққа шығу кәсіпорындардың өзіне, тауарына және экспортты мемлекеттік тиімді қолдауға байланысты» деді облыс әкімі Архимед Мұхамбетов.
Облыс әкімі сыртқа өнім шығаратын кәсіпорындар «ҚазахЭкспорт» ұлттық сақтандыру компаниясының қызметін тиімді пайдалануы қажеттігін ескертті.
Нәзира ЖӘРІМБЕТ,
«Егемен Қазақстан»
Қостанай
