Қазақстан құрамасы Ұлттар лигасында алғашқы жеңісіне қол жеткізді

Футболдан Қазақстан ұлттық құрамасы УЕФА-ның жаңа Ұлттар лигасы турнирінде және бас жаттықтырушы Станимир Стоилов қол астында алғаш рет ресми ойында жеңіске жетті. Елордадағы «Астана Арена» стадионында өткен кездесуде отандастарымыз Пиреней түбегінен келген Андорра құрамасының қақпасына жауапсыз төрт гол соқты.

Егемен Қазақстан
17.10.2018 2731
2

Андорраға қарсы кездесу алдында бас бапкер Станимир Стоилов журналистерге арналған баспасөз мәслихатына қатысып, ойын алдындағы біраз жоспарымен бөлісті. Жиын барысында Стоилов Латвияға қарсы өткен матчта алаңдағы іс-қимылы көңілінен шықпаған бірнеше футболшының бар екенін алға тартып, Астанадағы ойынға жас ойыншыларды шығарып, оларды да сынақтан өткізіп алатынын айтқан еді. Матчқа бірнеше сағат қалғанда Қазақстан құрамасының ойыншылар тізімі шығысымен құрамда бірқатар өзгеріс бар екенін байқадық.

Латвияға қарсы кездесуде қосалқы құрамда болған Ғафуржан Сүйімбаев, Юрий Логвиненко, Серікжан Мұжықов, Еркебұлан Сейдахмет және Бауыржан Тұрысбек бұл жолы бірінші минуттан бастап негізгі құрамда алаңға шықты. Қалған футболшылар негізгі құрамдағы орнын сақтап қалды. Дмитрий Шомко қосалқы құрамнан орын алған соң, Қазақстан құрамасын капитан ретін Бауыржан Исламхан бастап шықты. Енді құрама капитаны Исламхан болады деп үміттенген футбол жанкүйерлеріне Стоилов матчтан кейін «құрамада капитан біреу, ол –  Дмитрий Шомко. Вице-капитан – Бауыржан Исламхан», деп мәлімдеді.

Екі команда арасындағы кездесудің алғашқы минуттарында құрамалар бір-бірін алыстан байқасып, қате жіберуін күтті. Дегенмен арагідік шабуылшыларымыз алыстан соққы бағыттап, Андорра қақпашысының шеберлігін байқап көруге тырысты. Ойынның 21-минутына келгенде отандастарымыздың алғашқы қауіпті шабуылы бірден голға айналды. Бауыржан Исламханның қапталдан көтерген пасына Ресейдің «Уфа» командасында доп тебетін Еркебұлан Сейдахмет бірінші жетіп, Қазақстан құрамасын есепте ала шығарды.

Бұл 18 жастағы Еркебұланның ұлттық құрама сапындағы тұңғыш ресми голы болды. Бұған дейін наурыз айында Венгрия қақпасына гол соққанымен, ол матч жолдастық кездесу болатын. Бірінші таймның аяқталуына 6 минут қалған Еркебұлан Сейдахмет шабуылшы Бауыржан Тұрысбекке нәтижелі пас асырып, Тұрысбек ұрымтал тұсты сәтті пайдаланып есепті 2:0-ге жеткізді. Бірінші тайм дәл осы есеппен аяқталды.

Кездесудің екінші бөлігін Қазақстан құрамасы шабуылмен бастап, қарсыластарды өздерінің жарты алаңынан шығармай, біраз тықсырып бақты. Шабуылды сәт сайын үдете түскен отандастарымыз матчтың 61-минутында дегендеріне жетті. Бауыржан Исламханның оң қапталдан асырған пасын қайтарамын деп ұмтылған Андорра қақпашысы Жозе Гомес байқаусызда өз қақпасына гол соғып алды.

Осы голдан соң Андорра құрамасының футболшылары ашуға бой алдырып, ойын тәртібін жиі бұзып, кездесудің берекесін қашыра бастады. Украиналық төреші Пиреней түбегінен келген футболшылардың сабырға шақырғанымен, андорралықтар эмоцияларын сақтай алмай, ақыр соңында қызыл қағаз алып тынды. Матчтың 65-минутында Жорди Алаэс ойындағы екінші сары қағазын алып, матчтан  қуылды. Осы жағдай үшін алаң жиегінде тұрған екі құраманың бапкерлер құрамы да біраз сөзге келіп қалды.

Сан басымдығына ие болған Қазақстан құрамасының шабуылы одан сайын үдей түті. Ойынның 70-минутында алаңға шыққан Роман Муртазаев 74-минутта матчтағы төртінші голды соқты. Кездесу аяқталғанға дейін отандастарымызда 1-2 гол соғатын тамаша мүмкіндіктер болған, алайда шабуылдың нүктесін қоятын футболшы табылмады.

Осылайша, Қазақстан құрамасы Ұлттар лигасындағы алғашқы әрі ірі жеңісіне қол жеткізді. Бір өкініштісі, біздің топтағы екінші ойында Грузия сырт алаңда Латвия құрамасын 3:0 есебімен жеңіп, ресми түрде топтағы бірінші орнын бекітіп қойды. Енді отандастарымыз екінші орын үшін күресетін болады. Қазақстан құрамасы келесі кездесуін 15 қарашада «Астана Аренада» Латвияны қабылдаса,  19 қарашада сырт алаңда Грузия құрамасымен өткізеді.

Әли БИТӨРЕ,

«Егемен Қазақстан»

СОҢҒЫ ЖАҢАЛЫҚТАР

22.01.2019

Сенат комитетінде «Каспий теңізінің құқықтық мәртебесі туралы конвенцияны ратификациялау туралы» заң жобасы қаралды

22.01.2019

Астананы газдандыру үш кезеңмен жүргізіледі – Бақыт Сұлтанов

22.01.2019

Азат Перуашев көше, мекеме атауларына Алаш қайраткерлерінің есімдерін беруді ұсынды

22.01.2019

«Бес әлеуметтік бастама»: салық жүктемесін төмендету 2 млн азаматқа қосымша кіріс алуға жол ашады

22.01.2019

Сегіз каратэшіміз Парижде күш сынасады

22.01.2019

Руслан Дәленов: Шағын несие көлемі ұлғаяды

22.01.2019

2018 жылы Қытайдағы бала туу көрсеткіші күрт төмендеді

22.01.2019

Солтүстік Қазақстан бишілері халықаралық байқауда бас жүлдені олжалады

22.01.2019

Солтүстік Қазақстанда екі мың шақырым талшықты-оптикалық байланыс желісі тартылады

22.01.2019

Үздіктер қатарында жүрген қазақстандық боксшылар кімдер?

22.01.2019

Ел аумағынан 28 шетелдік шығарылды

22.01.2019

Солтүстік Қазақстанда әкімшілік қызметкерлері пара алуға бейім

22.01.2019

Давоста дүниежүзілік экономикалық форум басталды

22.01.2019

М. Әбілқасымова: Микрокредит жастар арасында да сұранысқа ие

22.01.2019

Астана станциясының өткізу қабілетін ұзартылған «иін» арттырды

22.01.2019

Екібастұз ГРЭС 1 2018 жылды қуаттың рекордтық көрсеткіштерімен аяқтады

22.01.2019

«Нұрлы жер» арқылы салынған үйлер «7-20-25» бағдарламасымен берілуі мүмкін

22.01.2019

Жұмыссыз xалыққа микрокредит беру жүзеге асырылып жатыр

22.01.2019

Оралда онколог дәрігерлер қауіпті дерттің қатерін ескертті

22.01.2019

Жетісу кәсіпкерлерінің өтініші жерде қалмайды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

ҰҚСАС ЖАҢАЛЫҚТАР

Тағы да оқу

Пікір қосу