Бағдарламалар • 23 Қазан, 2018

Жолдауда айтылған өзекті мәселелер сөз болды

277 реткөрсетілді

Қостанайға келген Қоғамдық даму министрі Дархан Кәле­таев алдымен облыс активі­мен кездесті. Ол Елбасы Нұр­сұл­­тан Назарбаевтың «Қазақ­стан­­дық­тардың әл-ауқатының өсуі: табыс пен тұрмыс сапасын арттыру» атты Қазақстан хал­қына Жолдауының форматы да, сапасы да ерекше, жаңа еке­нін атап өтті. Тарихи құжатта Ел­басы экономиканы дамытып, әлеуметтік саланы нығайту үшін банкроттық тәртібін жеңілдету, жергілікті маңызға ие хабтарды дамыту, басқарылатын урбанизацияны енгізу секілді мә­се­лелерді дер уақытында әрі орынды көтерді. 

Дархан Кәлетаев Жолдауда айтылған мұғалімдер мәрте­бесі мәселесіне ерекше тоқ­талды. Ол туралы заңның қабыл­­да­нуы­на орай ұсыныстар енгі­зу үшін қостанайлықтарды бел­сенді бо­луға шақырды. Со­нымен қатар ми­­нистр Жол­дауда айтылған ­жас­тар мәсе­лесіне орай, елімізде арнайы жастарға арналған бағ­дар­ла­маның болмайтынын ес­керт­­ті. Себебі елімізде жү­зеге асы­рылып жатқан баспана, жұ­мысқа орналастыру, бі­лім жө­нін­дегі мемлекеттік бағ­­дар­­лама­лардың барлығы да жас­тар мәсе­лесін шешуге арна­­лады. Ми­­нистрдің айтуын­ша, қазір елі­мізде жастар де­мо­­­гра­фиясы­ның төмендеп кеткені бай­қа­лады, 14 пен 18 жас аралы­ғын­­да­ғылардың саны жарты мил­лионға зорға жете­тіні 2000-шы жылдардағы бала туу санының төмен болуымен түсін­діріледі. Бұл көрсеткіш алдағы жылдары көтеріледі. 

Активке қатысушылар ми­­нистрге жастар арасынан кадр­­лар дайындау, үкіметтік емес ұйымдарға арналған мем­ле­кет­тік сатып алу, қоғам­дық кеңес­тер мәселесі туралы сұ­рақтар қо­йып, жауап алды. 

Облыс әкімі Архимед Мұ­хам­­бетов актив отыры­сы­н қо­­рытындылай келе, Ел­басы Жол­дауындағы айтылған тапсырмаларды жүзеге асырудың өңірлік жоспары қаралып жатқанын және аудандар мен қалаларда Жолдауды түсіндірумен айналысатын 21 ақпараттық топ құрылып, жұмысты бастап кеткенін айтты. 

Нәзира ЖӘРІМБЕТ,

«Егемен Қазақстан»

ҚОСТАНАЙ 

Баннер
Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Ұқсас жаңалықтар