Әлем • 23 Қазан, 2018

Жапония мен Еуропалық Одақ арасындағы экономикалық диалог

239 реткөрсетілді

Кеше 22 қазанда Токио қаласында Жапония мен Еуропалық Одақ (ЕО) арасында индустрия, сауда және экономика мәселелеріне қатысты биік деңгейдегі келіссөздер өтті.

Келіссөздер барысында тараптар осы жылдың жазында қол қойылған Жапония мен ЕО арасындағы сауда-саттық жүйесін либерализацияландыруға бағытталған Экономикалық әріптестікке қатысты келісімшартты (EPA - Economic Partnership Agreements) ратификациялауға қатысты барлық пысықтау жұмыстарын жыл соңына дейін аяқтауға келісті.

Сонымен қатар, соңғы кезде Д.Трамп әкімшілігі жүргізіп отырған АҚШ-тың протекционизм саясатына байланысты тиісті шаралар қолдану қажеттілігі жайында және жаһандық экономикалық аймақ құруға бағытталған Қытай үкіметінің «Бір белдеу, бір жол» стратегиясына тойтарыс беру шараларын талқылап, үшінші мемлекеттерге инвестиция салу саласындағы өзара ынтымақтастықты жандандыруға келісті.

Шет елдерге бірлесіп инвестициялар салу мақсатында Жапонияның халықаралық ынтымақтастық банкі (JBIC, Japan Bank for International Cooperation) және Жапонияның экспортты және импортты сақтандыру агенттігі (NEXI, Nippon Export and Investment Insurance) мен Еуропалық инвестициялық банкі (EIB, European Investment Bank) арасында ынтымақтастық орнатуға қатысты меморандумға қол қойылды.

Сондай-ақ, Қытай үкіметінің отандық өнеркәсіп саласына тым көп мөлшерде мемлекеттік субсидиялар бөлуіне байланысты бұзылып отырған әлемдік нарықтың либералды қағидаттарын қайтадан бір қалыпқа келтіру мақсатында Халықаралық сауда ұйымын реформалау қажеттілігін сөз қылып, тараптар осы мәселе бойынша бірлесіп жұмыс атқаратын болып келісті.

Халықаралық сауда-экономикалық жүйеге ықпал етуі ықтимал осындай шешімдер қабылданған маңызды келіссөздерге жапон тарапынан Индустрия, сауда және экономика министрі Хирошиге Секо мен Сыртқы істер министрі Таро Коно, ал ЕО тарапынан Еуропалық комиссия төрағасының орынбасары Юрки Тапани Катайнен қатысты.

Айта кететін бір жайт, жоғарыда аталған Жапония мен ЕО арасындағы Экономикалық әріптестікке қатысты келісімшартқа тараптар осы жылдың шілде айында Еуропалық Одақтың басшылары Дональд Туск пен Жан-Клод Юнкердің Бейжіңдегі Қытай басшылығымен кездесуін аяқтай сала бірден Токиоға жасаған сапар барысында қол койылған болса, кешегі келіссөздер Жапония премьер-министрі Синдзо Абэның ҚХР-ға ресми сапарының дәл алдында өткені де кездейсоқтық емес. Жапония мен ЕО арасындағы сауда-экономикалық қатынастарды нығайтуға бағытталған келісімшарт та, үшінші мемлекеттерге инвестициялар салу саласындағы ынтымақтастықты жандандыруға бағытталған талпыныстар да халықаралық сауда жүйесінде күннен-күнге күшейіп келе жатқан Қытайдың экономикалық ықпалына, әсіресе Бейжіңнің «Бір белдеу, бір жол» стратегиясына қарсы бірлесіп шаралар қабылдап, бірлесіп жұмыс жасау бүгінгі күні Жапония мен Еуропалық Одақтың ортақ мүддесіне айналып отырғанының айқын дәлелі.

Батырхан ҚҰРМАНСЕЙІТ,

арнайы «Егемен Қазақстан» үшін

Баннер
Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Алматы еліміздің мәдени орталығы

Қазақстан • 18 Қазан, 2019

Жаңаөзенде «Баста» форумы өтті

Аймақтар • 18 Қазан, 2019

Алғашқы күні жүлде бұйырмады

Спорт • 18 Қазан, 2019

«Алтын бутса» иесі атанды

Спорт • 18 Қазан, 2019

Тағы овертаймда ұтылды

Хоккей • 18 Қазан, 2019

Жәнияның жұлдызы жарқырады

Руханият • 18 Қазан, 2019

Ұқсас жаңалықтар