Аймақтар • 24 Қазан, 2018

Алматыда «Нұрлы жер» бағдарламасы бойынша 1500 салымшы баспаналы болады

58 реткөрсетілді

«Нұрлы жер» мемлекеттік тұрғын үй бағдарламасы Алматының да талай тұрғындарды қоныс тойына жеткізіп отыр.

Ендігі кезекте Тұрғын үй құрылыс жинақ банкінің Алматыдағы 1 500 салымшысы «Нұрлы жер» бағдарламасының аясында баспана иесі атанбақ.

Осы толымды оқиғаға орай бүгін БАҚ өкілдері бағдарлама арқылы берілетін үйлерге саяхат жасады. Өз кезегінде бұл үйлер  – «Жергілікті атқарушы органдар арқылы кредиттік тұрғын үй құрылысы» бағыты бойынша Алатау ауданы, «Саялы» ықшамауданында салынып жатыр. Кешен 5 қабатты көппәтерлі үйлерден тұрады. Пәтерлер аумағы 29-84 шаршы метрі аралығында.

Қазір банк 886 пәтерден тұратын пул дайындады. Жыл соңына дейін тағы 621 пәтер бойынша өтініш қабылдау жарияланады. Ал «Нұрлы жер» бағдарламасы аясында Тұрғын үй құрылыс жинақ банкі желісі арқылы сатылатын әр пәтерге 6 үміткерден келеді.

– Қазір Тұрғын үй құрылыс жинақ банкі өнімдері мен бағдарламалары халық арасында үлкен сұранысқа ие болып отыр. Осы жылдың алғашқы 9 айының нәтижесі бойынша жалпы қазақстандық ипотекадағы біздің банктің үлесі 62%-ға тең. 26 000 азамат баспаналы болды, оның 6 000-ы «Нұрлы жер» мемлекеттік бағдарламасы бойынша үй алды. Осы жылдың соңына дейін тек бір Алматыда ғана тағы 3 000 пәтер сатылады, оның 1 500-і «Нұрлы жер» бағдарламасы бойынша беріледі. Бұл келтіріліп отырған деректер – елдегі әлеуметтік тұрғыдан ең өзекті мәселелердің бірінің, яғни азаматтарды қолжетімді үймен қамтамасыз етудің тиімді жолмен шешіліп жатқанының айқын мысалы, – деді Тұрғын үй құрылыс жинақ банкі Алматы қалалық филиалының директоры Гүлзат Симтикова.

«Нұрлы жер» бойынша тұрғын үйлер 50/50 қағидасымен бөлістіріледі. Яғни пәтерлердің кем дегенде 50%-ы әкімдікте тұрғын үй кезегінде тұрғандарға беріледі, ал қалған 50%-ы кезекте жоқ Тұрғын үй құрылыс жинақ банкі салымшылары арасында сатылады.

Жалпы алғанда 2019 жылдың наурыз айында «Алма сити» тұрғын үй кешеніндегі бес қабатты үйлерден 600 пәтерді пайдалануға беру жоспарланып отыр. Бұдан бөлек, тоғыз қабатты үйлердегі 1 мыңнан астам пәтер 2019 жылдың шілдесінде салынып бітеді.

Айнаш ЕСАЛИ,

«Егемен Қазақстан»

АЛМАТЫ

Баннер
Соңғы жаңалықтар

Бірге барайық: Тегін тігін курсы

Қазақстан • Бүгін, 16:11

Ораза кестесі 2019

Қазақстан • Бүгін, 15:10

Жайбарақаттық жарға жықты

Қоғам • Бүгін, 10:34

Екі тал үкі

Бүгін, 10:26

Жастар театрының сәтті сапары

Руханият • Бүгін, 10:20

Áke kerek... uldarǵa

Қоғам • Бүгін, 10:10

Ұқсас жаңалықтар