Қазақстан әу бастан Орталық Азиядағы инновацияға ең жақын, қазіргі заманның прогрессивті технологияларын кеңінен пайдаланған, жаңалықтан қашпаған, ескі түсініктерден ертерек құтылуға әрекет жасаған ел ғой. Сондықтан бүгінгі күні біздің өңірдегі танымал, жылдам өсіп келе жатқан көшбасшы елге айналды. Қазақстанның осы өңір ғана емес, бүкіл дүние жүзіне жақсы атымен, зор беделімен, позитивті имиджімен танылған мемлекет екенін ешкім жоққа шығара алмайды. Сол зор еларалық бедел Қазақстанның ең негізгі баға жетпес байлығы, келешекте үлкен табыстарды алып келетін ресурсы деп айтар едім.
Игі дәстүр биылғы жылы да жалғасын тапты. Қазақстан лидері Нұрсұлтан Назарбаевтың жақында халыққа арнаған Жолдауын мен қазақ мемлекетінің тарихындағы жаңа кезең, жаңа бір дәуірдің басталуы деп қабыл алдым. Басқасын айтпағанда Елбасының негізгі басымдық қатарында әлеуметтік саланы, адами ресурстарды атағаны маған ерекше әсер етті. Ғылым мен білім, жаңа заманауи технологияларды тұрмыста кеңінен пайдалану, сол салада істейтін адамдардың айлық жалақысын айтарлықтай көтеру сияқты мәселелер бір туған қазақ халқының өркендей беруіне жол салмақ.
Әрине, бұл бағытта Қазақстанда бұдан бұрын да орасан зор жұмыстар жасалып, бірқатар еларалық деңгейлері жоғары университеттер, оқу орындары, академиялар ашылған болатын. Алдағы күндері бұдан да ауқымды істер жүзеге асатыны Жолдауда тағы да атап көрсетілген екен. Мен, мәселен көп жылдар бойы осы әлеуметтік салада, соның ішінде ғылым және білім секторында еңбек етіп келе жатқан адам ретінде Нұрсұлтан Назарбаевтың бұл бастамасына барынша қуандым.
Қазақстан басшысының бұл Жолдауы қазақ халқының жаңа бір тарихи кезеңге, жаңа бір дәуірге қадам басқанын анық көрсетеді дер едім.
Қазақ бауырлар, сіздердің қай уақытта да артта қалмай, керек болса алдыға оза қадам басуға әрекет жасағандарыңыз – сіздердің бақыттарыңыз. Лайым сол қадамнан жазбауларыңызға тілектеспін!
Осмонакун ИБРАИМОВ,
Қырғыз ҰҒА корреспондент-мүшесі, экс-Мемлекеттік хатшы