Қазақстан чемпионатында бағы жанған спортшы ұлттық құрамға алынып, шетелдегі ірі жарыстарда ел намысын қорғайтын болады. Чемпионатта ұлттық құрамадан бөлек, жасөспірімдер командасына да іріктеу жүргізілмек. Мамандар ұзақ және орта қашықтықтардағы бәсекелестік жоғары болады деп болжап отыр. Өйткені аталған қашықтық бойынша халықаралық нормативті орындаған спортшылар саны бөлінген квотадан да көп болып тұр.
Елордадағы «Алау» мұз айдынында өтіп жатқан Қазақстан чемпионаты үш күнге созылады.
Дайындаған Әли БИТӨРЕ,
«Егемен Қазақстан»