Руханият • 30 Қазан, 2018

Мәселеге мән берілсе

208 реткөрсетілді

«Егемен Қазақстан» газетінің 2018 жылғы 12 қыркүйектегі №172 санында «Мағжанды іздеген азамат» деген мақала жарияланған болатын. Ол мақалада Алаштың ақиық ақыны Мағжан Жұмабаев туралы деректер іздеп Магаданға дейін барып қайтқан Алдияр Әубәкіровтің аталған қаланың архивіндегі құжаттардың ішінен 1938-1942 жылдардың аралығында Магадан қаласында сотталып, сол жерде атылған 20 қазақтың ақталғандығы туралы құжат тапқаны айтылған еді. 

Бүгін сол боздақтардың дү­ние­ге келген жылдары мен туған жерлері, тұрған мекендері, қашан қамауға алынғаны, сотталған күн­­дері мен оларды кімнің сот­тағаны, қандай баппен сот­талғаны, атыл­­­ған және ақталған күн­дері мен архивтік нөмірі көр­сетілген тізім­ді жариялап отырмыз.

 Бұл тізімде көрсетілген ре­прес­сия құрбандарының ұрпақ­тары мен туған-туыстары олар ту­ралы осы күнге дейін еш ха­барсыз болулары мүмкін. Егер олардың іздеушілері табы­ла қалса, осы мәліметтерге сүйеніп Мага­дан­дағы ақпараттық орталыққа сұ­рау сала алады. Өйткені Алдияр Әубәкіровтің айтуынша,аталған ор­талық ондағы құжаттармен жұ­мыс істеуге қуғын-сүргінге ұшы­­раған адамдардың туыстары­на ғана рұқсат етеді екен. Осы орта­лықтың мамандарының мә­лі­меті бойынша, өткен ғасыр­дың тоқ­саныншы жылдары қу­ғын-сүр­гінге ұшырағандарды жап­пай ақтау жүргізілген кезде елу мың­дай адамның істері қарал­май қалыпты. Оның ішінде екі мың­дай қазақ азаматы бар.

Бұл істердің тізімін алып, ұл­­­­­тымыздың жоқтаусыз кеткен пер­­зенттерінің бәрін ресми түрде ақ­тап, олардың ұрпақтарына жет­кізу құқықтық, моральдық-имандылық қажеттілік және кезек күттірмейтін мәселе еке­ні айдан анық. Оны шешуге Ал­дияр Әубәкіров сияқты азамат­тардың бір өзінің ғана шамасы келмейтіні белгілі. Оны тек мем­лекеттік деңгейде шешуге болады. Сондықтан осы мәселеде Қа­зақстанның азаттығы мен тәуелсіздігі үшін күресте зардап­ шеккен адамдарды ақтау жә­­не мәңгі есте қалдыру жөнін­дегі «Қаһармандар» респуб­ликалық қоғамдық қоры бас­тама­шылық етіп, тиісті мем­­ле­кет­тік органдарға нақ­ты ұсы­­ныс жасап, олармен бірге керекті ұйымдастыру-іздес­тіру жұмыстарын жүргізіп, мәйіт­тері итжеккенде қалған боз­­дақтарымызды түгелдей анық­­­­тап, Магадан қаласында олар­ға ар­нап ескерткіш орнатып, олар­дың есімдерін қайтадан жаң­­ғыртады деген ойдамыз. Бұл істе еліміздің Парламентінің де­пу­таттары, саяси партия­ла­ры,­ халқымыздың өткені мен ке­лешегіне немқұрайды қара­майтын азаматтар тыс қалмайды деген сенімдеміз.

 Ержан ИСАҚҰЛОВ

Баннер
Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Алматы еліміздің мәдени орталығы

Қазақстан • 18 Қазан, 2019

Жаңаөзенде «Баста» форумы өтті

Аймақтар • 18 Қазан, 2019

Алғашқы күні жүлде бұйырмады

Спорт • 18 Қазан, 2019

«Алтын бутса» иесі атанды

Спорт • 18 Қазан, 2019

Тағы овертаймда ұтылды

Хоккей • 18 Қазан, 2019

Жәнияның жұлдызы жарқырады

Руханият • 18 Қазан, 2019

Ұқсас жаңалықтар