Әлем • 31 Қазан, 2018

Халықаралық деңгейдегі әуежай қолданысқа берілді

188 реткөрсетілді

Ыстанбұл қала­сында жаңа әуежай ашылды. Yeni havalimanı деп аталатын жаңа әуе алаңы Түркияның мемлекеттік мерекесі – Рес­пуб­лика күніне орай қол­данысқа берілді.  

«Үшінші» деп те аталатын жаңа кешен әлемдегі ең үл­кен әуежайлардың қатарынан көрінуге үміткер. Ашылу салтанатына Түркия Президенті Режеп Тайип Ердоған қатысты. 

Ыстанбұлдың Еуропа бөлігін­дегі Арнауыткөй ауданында, Дурусу көліне жақын орналасқан жаңа әуежайдан көкке көтерілген алғашқы ұшақ Анкара қаласына бет алды. Ал бірінші халықаралық рейс Солтүстік Кипр Түрік Рес­публикасына жасалмақ. Одан кейін Әзербайжанға рейс ашылуы жоспарланған. 

Жылына 150 миллион жолау­шыға қызмет көрсете алатын әуе­­жайдың жалпы құны – 11,7 мил­­лиард АҚШ доллары. Оны «Лимак», «Колин», «Дженгиз», «Мапа» компанияларының 200 мың жұмысшысы 42 ай бойы салған-ды. 

Жалпы аумағы 76,5 миллион шаршы метр болатын кешеннің алғашқы кезеңіне 10 миллиард еуро жұмсалған. Әуе алаңының қалған бөлігі қолданысқа 2023 жылға дейін берілмек. Әуежайда 6 ұшу-қону жолағы, 500 ұшақ тұрағы, 70 мың автокөлік қабыл­дай алатын ашық және жабық автотұрақ бар. 

Жыл соңына дейін әуе­жай­да 2000 ұшақ қабылда­нып, әлемнің 350-ден астам нүктесіне жолаушы аттандыру жоспарланған. Yeni havalimanı әлемнің 250 әуе компаниясына қызмет көрсетеді. Airbus A380 пен Boeing 747-8 секілді соңғы үлгідегі ұшақтарды қиындықсыз қабылдай алады. Сондай-ақ робот, жасанды интеллект арқылы адам тану, ақылды жүйе, кабельсіз интернет, SIM картасыз GSM қолжетімділігі секілді бірқатар зама­науи технологияның қол­даны­луына мүмкіндік бар. Жолаушыларының қауіпсіздігі үшін 3500 күзет қызметкері мен 9000 бейнебақылау камерасы жұмыс істейді.

Ыстанбұлда бұдан басқа «Ататүрк», «Сабиха Гөкчен» атындағы әуежайлар бар. Жаңа әуежай мен Ататүрк әуежайының арасы – 35 километр. 2018 жылдың соңына дейін «Ататүрк» әуежайы толы­ғымен жаңа әуежайға көші­ріледі деп жоспарланған. Әзірге жаңа әуежай конструкциясы толығымен аяқталмайынша, «Ататүрк» әуежайы жұмысын жалғастыра бермек. Жаңа әуежай алаңы Ыстанбұл метросының М2, Мармарай желісімен байланысады.

Светлана ҒАЛЫМЖАНҚЫЗЫ,

«Егемен Қазақстан»

Баннер
Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Алматы еліміздің мәдени орталығы

Қазақстан • 18 Қазан, 2019

Жаңаөзенде «Баста» форумы өтті

Аймақтар • 18 Қазан, 2019

Алғашқы күні жүлде бұйырмады

Спорт • 18 Қазан, 2019

«Алтын бутса» иесі атанды

Спорт • 18 Қазан, 2019

Тағы овертаймда ұтылды

Хоккей • 18 Қазан, 2019

Жәнияның жұлдызы жарқырады

Руханият • 18 Қазан, 2019

Ұқсас жаңалықтар