Жақында Вахид Ахмадұлының құрметіне «Физиология және медицина: Дене тәрбиесінің өзекті мәселелері» атты ІІ-ші халықаралық ғылыми- тәжірибелік коференция өтті. Алқалы жиынға аймақтық Қазақстан халқы Ассамблеясының мүшелері мен спорт саласының мамандары қатысты.
Екі мыңыншы жылдары «Ғасыр адамы» номинациясына ұсынылған Вахид Губанов ұлттар арасындағы достыққа өлшеусіз еңбек сіңірген азамат. «Даймохк» шешен-ингуш этно-мәдени орталығының төрағасы Абу-Қасым Хажалиев «оның өмірі жастарға үлкен өнеге» дейді.
Асыл азаматты еске алуға арналған дзюдодан облыстың ашық турнирін ұйымдастырған аймақтық дене тәрбиесі методикалық орталығының директоры Бауыржан Әбенғалиев Қазақстан мен Шешенстан арасында берік байланыс орнағандығын,ондағы азаматтардың қазақ халқына құрметі зор екендігін айтады.
Бақтияр ТАЙЖАН,
«Егемен Қазақстан»
ҚЫЗЫЛОРДА
