Футбол • 09 Қараша, 2018

«Астана» «Яблонецтен» басым түсті

35 реткөрсетілді

Кеше кешке Еуропа лигасының аясында өз алаңында чехиялық «Яблонецті» қабылдаған елордалық «Астана» 2-1 есебімен басым түсті.

Матчтың 18-минутында бұрыштамадан берілген допты қақпаға дәл бағыттаған Педро Энрике гол соғып, елордалық клубты алға шығарған болатын. 41-минутта чехиялықтар тепкен бұрыштама доп Бахтияр Зайнутдиновке тиіп, «Астананың» қақпасына еніп кетті. 

Дегенмен, автоголға қарамастан, елор­далықтар екпінін бәсеңдеткен жоқ. Матчтың 88-минутында Марин Томасовтан пас алған қорғаушы Евгений Постниковтың сол аяғымен тепкен добы қарсылас клуб қақпасының тоғыздығында тулап жатты. 

Осылайша, 4 ойыннан кейін 8 ұпай жинаған «Астана» өз тобында көш басындағы орнын нығайта түсті.

Дайындаған Әли БИТӨРЕ,

«Егемен Қазақстан»

Баннер
Соңғы жаңалықтар

Ұқсас жаңалықтар