Ауыр атлетика • 09 Қараша, 2018

Зілтемірші Раушан Мешітханова В тобында бірінші орын алды

219 реткөрсетілді

Ашхабадта өтіп жатқан әлем чемпионатында «В» тобында 81 кило салмақ дәрежесінде өнер көрсеткен қазақстандық зілтемірші Раушан Мешітханова бірінші орынды иеленді.

Раушан 108 килоны жұлқып және 115 килоны серпе көтерді. Қоссайыстағы нәтижесі – 223 кило. Осы нәтиже жерлесімізге «В» тобында бірінші орынды иелену үшін жеткілікті болды. Екінші орынды 220 (98+122) килолық көрсеткішпен бельгиялық Анна-Мари Ванбеллинген еншілесе, түркіменстандық Айсолтан Тойчиева үшінші сатыға табан тіреді. Оның нәтижесі – 219 кило (98+121). Алайда бұл спортшылардың бұл жарыста жеңіс тұғырына көтерле алмайтыны анық. Өйткені, «А» тобында кіл мықтылар шығады. Араларында Олимпия ойындары мен әлем чемпионаттарында атой салған сақа спортшылар да бар. Және де олардың тапсырыс берген салмақтары да өте зор.    

Санаулы сағаттардан кейін ерлер арасындағы 102 кило салмақ дәрежесіндегі бәсекелер басталады. Бұл сайыста Қазақстанның намысын Рио Олимпиадасының қола жүлдегері, 2015 жылғы әлем чемпионы Александр Зайчиков қорғайды.

Ертең әйелдер арасындағы +87 кило салмақтағы тартысты тамашалаймыз. Біздің қос жерлесіміз – Айзада Муптилда мен (+87 кило) мен Александра Аборнева (+87 кило) «С» тобында бақ сынайды. Сонымен қатар, 109 кило салмақтағы Ибрагим Берсанов та ортаға шығады. Ал чемпионаттың соңғы күні аса ауыр салмақтағы Елдос Сайлау сайысқа түседі.

Ғалым СҮЛЕЙМЕН,

«Егемен Қазақстан»

Соңғы жаңалықтар

Еліміздегі ең жас құсбегі

Қоғам • Бүгін, 06:05

Аққорған оқиғасы

Таным • Бүгін, 05:50

Ұлағатты ұстаз ұстыны

Руханият • Бүгін, 05:35

Талпақ танау да табыс көзі

Экономика • Бүгін, 05:00

Алып тиін төрге озды

Аймақтар • Кеше

18,6 миллионға жеттік

Қазақстан • Кеше

КХЛ: «Барыс» жеңіске жетті

Хоккей • 15 Ақпан, 2020

Ұқсас жаңалықтар