Экономика • 15 Қараша, 2018

Инвесторларға тиімді ұсыныс

266 реткөрсетілді

Халықаралық инвестициялық қоғамдастықтың назарын аудару үшін ел Үкіметі Қаржы министрлігі арқылы еуромен белгіленген құнды қағаздарды нарыққа шығарды.

Инвесторлар еурооблигация­ларды сатып алу үшін өтінімді «Астана» халықаралық қаржы орталығының биржасында жүзеге асырып жатыр. Еуробондқа құн­ды қағаздар шығару арқылы Еуро­падағы қалталы инвесторлар­ды «Астана» халықаралық қар­жы орталығының биржасына мүшелікке қабылдап, Орта­лық Азиядағы ірі, сенімді қар­жы­лық құрылымға айналу көз­дел­ген. Нарыққа шыққан құнды қағаздардың құны – 525 млн еуро. Бұл облигациялар ал­дағы 10 жылға 2,375 пайыз мөл­шер­ле­ме­мен шығарылып отыр. Атал­ған пайыздық мөлшерлеме инвес­торлардың оң жамбасына ке­летін тиімді ұсыныс бол­мақ. Себебі өзге ірі қаржы орта­лықтарындағы пайыздық мөл­шер­леме – 1-2 пайыз шамасын­да. Қазақстан нарығына арнал­ған шы­ғарылымның ұйымдас­ты­ру­шысы – ВCC Invest. Айта кетер­лігі, Қазақстан әлемнің құнды қағаздар нарығына соңғы рет 2015 жылы шыққан екен. 

− Еурооблигацияларды орна­лас­тыруға арналған платформа ретінде «Астана» халықаралық қаржы орталығының биржасы таң­дап алынғаны Үкіметтің жаңа биржа алаңына деген сенімділігін растайды, сонымен қатар банктер мен брокерлік компанияларды «Астана» халықаралық қаржы орталығының биржасының қаты­сушысы атануға ынталандырады. Облигацияларды шығару, әсіресе ағымдық нарық конъюнктурасы жағдайында капиталдың негізгі көзі болып саналады. АХҚО  осы сег­ментті дамытудың негізгі құрау­шысы. Біз халықаралық стан­дарттарға сай келетін эми­тенттер үшін платформа ұсына­мыз,­ сондай-ақ жергілікті және де ха­лықаралық инвесторлар үшін әртүрлі нұсқаларды ұсына­мыз, – деді «Астана» халықара­лық қаржы орталығы Биржа бас­қар­масының төрағасы Тимоти Беннетт.

Бүгінде AIX акционерлері қатарында АХҚО, GoldmanSachs, Шанхай қор биржасы, Жібек жолы қоры мен AIX-ке сауда ала­ңын ұсынып отырған NASDAQ бар. 

Еркежан АЙТҚАЗЫ,

«Егемен Қазақстан»

Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Ұқсас жаңалықтар