13 Желтоқсан, 2018

«Елорда жұлдызы» табысталды

183 реткөрсетілді

«Астана» концерт залында Астананың елорда болып жариялануына орай мерекелік кеш өтті. 1997 жылдың 10 желтоқсанында ел астанасы Алматыдан Ақмола қаласына ресми түрде көшірілген болатын. Осы күнге орайластырылып Астанада алғаш рет «Елорда жұлдызы» сыйлығы тағайындалды.

Құрметті марапат еліміздің бас қаласының дамуына елеулі үлес қосқан және оның даңқын әлемге танытқан елордалық ұжымдар, ұйымдар мен танымал тұрғындарға берілді. Салтанатты түрде естелік хрусталь мүсіндер «Astana Ballet» театрына, «Астана Опера» театрына, ЭКСПО-2017 халықаралық мамандандырылған көрмесіне, Назарбаев Университетке, «Астана» футбол клубына, «Барыс» хоккей клубына, «Астана» велокомандасына, «Спарта-Номад Астана» КТК командасына, «Жастар» театрына, сондай-ақ, медициналық клас­тер өкілдері Юрий Пя және Серік Ақшолақовқа табыс етілді.

«Бұл күн Астана үшін маңызды. Астана дамып келеді, саяси, мәдени, спорт салаларында танымал болды. Астананы ұжымдар, ұйымдар, кәсіпорындар мен адамдар танытты. Осы жылы жаңа және қарқынды дамушы елордамыздың танылуына елеулі үлес қосқан ұжымдар мен адамдарды атап өткіміз келді», деді Астана қаласы Мәдениет және спорт басқармасы басшысының орынбасары Нарима Мұхамбеталина.

Мерекелік концертті «Astana Ballet» труппасының хорео­гра­фия­лық қойылымы ашты. Мерекелік кеште Қайрат Баекенов, Ален Самы­кен, ағайынды Жүгүнісовтер, Сара Исақ, Айнұр Әбдиева және басқа да эстрада жұлдыздары ән шырқады. «Жастар» театрының актерлері көрермендердің назарына «Ұлы даланың жеті қыры» театр­ландырылған қойылымын ұсынса, «Спарта-Номад Астана» командасы қауымға көтеріңкі көңіл күй сыйлады. Мерекелік кешті Астана қаласының Мәдениет және спорт басқармасы ұйымдастырды. Айта кетейік, «Елорда жұлдызы» сыйлығы енді жыл сайын табысталатын болады.

Бағашар ТҰРСЫНБАЙҰЛЫ,

«Егемен Қазақстан»

Баннер
Соңғы жаңалықтар

Ақ халатты абзал жан

Қоғам • Бүгін, 15:14

Қоғамға белсенді жастар керек

Аймақтар • Бүгін, 15:14

«Жас жалын» топ жарды

Спорт • Бүгін, 09:59

Қапастағы қолөнер

Аймақтар • Бүгін, 09:55

Турнирдің финалына шықты

Спорт • Бүгін, 09:49

Халық алдында есеп берді

Қоғам • Бүгін, 09:45

Тұңғыш рет топ жарды

Спорт • Бүгін, 09:40

Қаламгерлерді қуантты

Руханият • Бүгін, 09:37

Қарсыластардың осалы жоқ

Қысқы спорт • Бүгін, 09:29

Ерлік есеппен жасалмайды

Қоғам • Бүгін, 09:27

Жазғы универсиада мәреге жетті

Аймақтар • Бүгін, 09:18

Ортақ міндет – Отанға адал қызмет

Қазақстан • Бүгін, 09:15

«Құланнан» өрген құлындар

Аймақтар • Бүгін, 09:14

1 жылдағы белестер

Қазақстан • Бүгін, 08:48

Түркістанның түлеуі

Аймақтар • Бүгін, 08:45

Шектен шыққан шиеленіс

Әлем • Бүгін, 08:33

Ұқсас жаңалықтар