Мұзараф Аханов ұзақ жылдар Жезқазған аймағында геологиялық барлау саласында қызмет етті. Академик Қаныш Сәтбаевтың жетекшілігімен Жезқазған кен орнында полиметаллдық қордың бас есептеулерін жасауға қатысқан. Никольск халық депутаттары Кеңесінің атқарушы комитетін басқарған. Сәтбаев қаласының құрметті азаматы.
Мемлекет және қоғам қайраткері Қасымбек Медиев жетекшілік қызметтерді атқарды. ҚР Еңбек сіңірген қайтаркері. Шет ауданының әкімі, Қарағанды облыстық мәслихатының хатшысы болған. «ҚР Мәслихат депутаттарының қауымдастығы» республикалық қоғамдық бірлестігінің орталық кеңесін басқарған.
Көмір саласының ардагері Григорий Презент ұзақ жылдар Костенко шахтасында еңбек еткен, өндіруші учаске бастығының көмекшісінен бастап директор лауазымына дейінгі еңбек жолын өткен. «Қарағандыкөмір» ӨБ бас директоры, «Испат-Кармет» ААҚ көмір департаментінің атқарушы директоры болды. ҚР Жаратылыстану ғылымдары академиясының академигі. Шахтинск қаласының құрметті азаматы.
Қайрат ӘБІЛДА,
«Егемен Қазақстан»
Қарағанды
