Парламент • 19 Желтоқсан, 2018

Мемлекеттік наградаларды табыс етті

195 реткөрсетілді

Мәжілісте палата Спикері Нұрлан Нығматулиннің төраға­лығы­мен Тәуелсіздік күніне орай салтанатты жиын өтті. Онда Елба­сы­ның атынан Мәжіліс Төрағасы палата депутаттары мен аппа­рат қызметкерлеріне мемлекеттік наградаларды табыс етті.   

Жиында Тәуелсіздік күні­мен құттықтаған Мәжіліс Спикері өз сөзінде: «Біздің тарихымызда 16 желтоқсан − алтын әріптермен жазыл­ған Ұлы күн. Себебі, 27 жыл бұрын, дәл осы күні Тұң­ғыш Президентіміз − Елбасы Нұрсұлтан Әбішұлы Назарбаев кең байтақ Қазақстанымызды Тәуелсіз ел деп жариялады. Жас мемлекетіміз алғашқы қиын кезеңдерден аман-есен өтіп, бүгінде бүкіл әлемге әйгілі, беделді ел атанды. Осының барлығы − Президентіміздің сали­қалы саясатының және береке-бірлігінің жемісі», − деді. 

Салтанатты шарада Эконо­ми­­калық реформа және өңірлік даму комитетінің төрағасы Нұртай Сабильянов «Парасат» орденімен, Мәжіліс депутаты Фахриддин Қаратаев II дәрежелі «Достық» орденімен марапатталса, Мәжіліс депутаттары Галина Баймахановаға, Берік Дүйсембиновке, Кәрібай Мұсырманға және Мәжіліс аппаратының бөлім меңгерушісі Талғат Қасымбековке «Құрмет» ордені табысталды. 

«Ерен еңбегі үшін» медальдарын Мәжіліс депутаттары Кеңес Абсатиров, Әлия Сапарова және Геннадий Шиповских, сондай-ақ Мәжіліс Аппаратының бөлім меңгерушісі Патима Қиясбаева алса, Мәжіліс аппаратының бө­­лі­м меңгерушісі Бибісара Ау­ба­­­к­ирова Құрмет грамотасын алды, деп хабарлады Мәжілістің баспасөз қызметі. 
 

Баннер
Соңғы жаңалықтар

Балқаш қол бұлғайды

Туризм • Кеше

ҰБТ тапсырушыларға кеңес (видео)

Қазақстан • 18 Маусым, 2019

Мишель Платини тұтқындалды

Футбол • 18 Маусым, 2019

Ұқсас жаңалықтар