Тәуелсіздіктің алғашқы күндерінен бастап біздің еліміз жастарды барлық салаларда, ең алдымен білім алу, кәсіпті игеру, жұмыс табуда өзін-өзі жүзеге асыру үшін көп мүмкіндіктер жасауға тырысуда. Жастарға қолдау көрсету үшін мемлекеттік бағдарламалар жасалды және олар табысты жұмыс істеуде. Нәтижесінде еліміздегі жастар сапалы білім алып, жаңа мамандықтар меңгеріп, өз үйлеріне ие болып, жұмыс істей бастады.
Көп нәрсе атқарылды, алайда прогрестің шектелмеуі өте маңызды. Сол себепті Жастар жылының ашылуында Мемлекет басшысы Үкіметке жас қазақстандықтардың өзекті қажеттіліктерін қанағаттандыруға арналған қарапайым және түсінікті қолдау амалдарын тапсырды. Бүгінде олар бәріне белгілі қолжетімді және сапалы білім беру, тұрғын үйге қолжетімділік, жұмыс, отбасын құру мүмкіндігі.
Бұлардың ішінде, мысалы, Астана, Алматы және Шымкент қалаларында жұмыс істейтін жастар үшін жылына кемінде бір мың пәтер салу ісі өте маңызды. Сонымен қатар бұл пәтерлер жалға берілетін тұрғын үйлерге жатады. Белгілі болғандай, бұл үш қала бүгінгі күннің өзінде ішкі көші-қон және бүкіл Қазақстанның аймақтарынан жастарды тарту орталығы болып табылады. Мұнда жастар білім алуға, жұмысқа, жеке бақытқа ұмтылады.
Президенттің бірқатар ұсыныстары Жастар форумында ыстық ықыласпен қабылданды.
Асара Мұқанова,
Президент жанындағы ҚСЗИ (KAZISS) Ақпараттық-талдау жұмысы бөлімінің басшысы, әлеуметтану ғылымдарының кандидаты
