Облыс әкімінің гранттары тапсырылды
Сәрсенбі, 25 сәуір 2012 7:32
Елімізде ұлтаралық татулық пен бірлікті, ынтымақтастық пен достықтынығайтуда Қазақстан халқы Ассамблеясы атқарған жұмыс көп. Ал,өңірлерде мұндай игілікті істерге этномәдени бірлестіктер ұйытқы болыпотыр. Сондықтан да жергілікті билік олардың қоғамдағы рөліне айрықшамән беріп келеді.
Сәрсенбі, 25 сәуір 2012 7:32
Елімізде ұлтаралық татулық пен бірлікті, ынтымақтастық пен достықтынығайтуда Қазақстан халқы Ассамблеясы атқарған жұмыс көп. Ал,өңірлерде мұндай игілікті істерге этномәдени бірлестіктер ұйытқы болыпотыр. Сондықтан да жергілікті билік олардың қоғамдағы рөліне айрықшамән беріп келеді.
Жақында облыс әкімі Архимед Мұхамбетов этномәдени бірлестіктер басшыларымен кездесіп, олардың қоғамдағы тұрақтылықты қалыптастырудағы жұмыстарына оң баға берді. Кездесуге облыстық басқармалар бастықтары, этномәдени бірлестікте, ақсақалдар кеңесі, ғылыми-сараптама кеңесі басшылары мен өкілдері де қатысты. Облыс басшысы Қазақстан халқы Ассамблеясы Елбасы Нұрсұлтан Назарбаевтың бастамасымен құрылғанын, оның жұмысының басым бағыттары елімізді мекендеген жүзден астам ұлттардың бірлігін, ұлтаралық бейбітшілік пен келісімді сақтау, халықтардың тілін, салт-дәстүрін дамыту екенін жеткізді.
– Біздің өңірде тұрып жатқан 90-нан астам этностың мүддесін білдіретін 18 этномәдени бірлестік жұмыс істейді. Олардың жұмысы белсенді және алуан түрде жүргізілуде. Бірлестіктерде мәдениетін, тілін, салт-дәстүрін оқып, үйреніп қана қоймайды, өз ұлтының бірегей мәдени мұрасын басқаларға көрсетуге, ортақ игілікке айналдыруға тырысады. Сол арқылы ортақ үйімізде ынтымақ пен бірліктің болуына қызмет етуде, – деді Архимед Бегежанұлы.
Өңірде он жеті жылдан бері этномәдени бірлестіктерге облыс әкімінің гранттарын беру дәстүрге айналып келеді. Бұл дәстүр биыл да лайықты жалғасын тапты. Архимед Мұхамбетов облыстағы 18 этномәдени бірлестіктер басшыларын ортаға шақырып, оларға салтанатты жағдайда қаржылай гранттар мен дипломдар тапсырды. Сондай-ақ, Қазақстан халқы Ассамблеясы Ақтөбе облысы хатшылығының қызметкері Зәмзәгүл Бимағамбетова мен «Эллада» грек этномәдени бірлестігінің жетекшісі Иван Липириди Қазақстан халы Ассамблеясының Алғыс хатымен, ал Қазақстан халқы Ассамблеясының мүшесі Иван Маглели облыс әкімінің Алғыс хатымен марапатталды.
Кездесуде сөз алған Иван Липириди, «Достық» үйі жанындағы ақсақалдар кеңесінің төрағасы Нұрхайыр Телеуов біздің еліміздегі ең басты байлық ұлтаралық достықтан тамыр тартатынын, сондықтан татулық пен бірлікті сақтау әрбір қазақстандықтың міндеті әрі парызы екенін тілге тиек етті. Осы бағытта этномәдени бірлестіктер жұмысын қолдап отырған облыс басшысылығына ризашылықтарын білдірді.
Сатыбалды СӘУІРБАЙ.
Ақтөбе облысы.
