Ота атаулыны өзіміз жасаймыз – дейді облыстық кардиохирургия орталығының тәжірибелі дәрігерлері
Бейсенбі, 3 мамыр 2012 7:42
Облыстық кардиологиялық орталыққа ат басын арнайы тіреуімізге Петропавл қаласында тұратын зейнеткер Қази Дәулетбаев қозғау салды. Ол бізбен хабарласып, Елбасымыз бен осында еңбек ететін ақ желеңді абзал жандарға алғысын жаудырып бақты. «Саналы ғұмырымды сот саласына арнаған жанмын, қарағым! Сексеннің сеңгіріне келсем де көзім ашық, көкірегім ояу. Ел жаңалықтарын әркез қадағалап, ой елегінен өткізіп отырамын.
Бейсенбі, 3 мамыр 2012 7:42
Облыстық кардиологиялық орталыққа ат басын арнайы тіреуімізге Петропавл қаласында тұратын зейнеткер Қази Дәулетбаев қозғау салды. Ол бізбен хабарласып, Елбасымыз бен осында еңбек ететін ақ желеңді абзал жандарға алғысын жаудырып бақты. «Саналы ғұмырымды сот саласына арнаған жанмын, қарағым! Сексеннің сеңгіріне келсем де көзім ашық, көкірегім ояу. Ел жаңалықтарын әркез қадағалап, ой елегінен өткізіп отырамын. Президенттің қай Жолдауын алсақ та, дені сау ұлт – жалпыұлттық міндет ретінде қойылып, медицина саласын дамытуға байланысты қадау-қадау шаруалар атқарылып келеді. Денсаулық сақтаудың бірегей ұлттық жүйесі қабылданып, енді, міне, қазақстандықтардың орташа өмір сүру жасын 72-ге дейін жеткізу міндеті қойылып отыр. Жүрек-қан тамырлары, обыр, туберкулез сияқты аса қатерлі ауруларды жергілікті жерлерде емдей алатын күнге де жеттік. Өңіміз түгілі түсімізге енбейтін ғажайып өзгерістерге куә болып отырғаныма шүкіршілік деймін». Қарияның бұлайша шаттана, шалқи сөйлеуінің сыры жоқ емес екен. Былтыр жүрегі сыр беріп, операция үстеліне жатуына тура келген. Жанашырлар тарапынан Ресейде, Астанада емделу жөнінде әрқилы ұсыныстар айтылғанымен, Қазекең аталмыш емхананың дәрігерлеріне сенім артқан. Ота ойдағыдай жасалып, жасының ұлғайғанына қарамастан аз күнде сауығып шыққан. Анда-мында сабылып, шығынданбаған. Мұндай ризашылық сөздер аз айтылмайды.
Осыдан бес жыл бұрын Үкіметтің қаулысымен №2 аурухана жанынан 20 төсектік кардиохирургия және 6 төсектік жансақтау бөлімшелері ашылып, материалдық-техникалық базаны нығайту, білікті мамандар дайындау бағыттарында жан-жақты ұйымдастыру жұмыстары үлкен қарқынмен жүрді. Мемлекет басшысының тікелей қолдауымен қолға алынған республика тұрғындарына кардиологиялық және кардиохирургиялық қызметті дамыту бағдарламасы тың іске одан әрі серпін беріп, бөлімше дербес кардиохирургиялық орталыққа айналдырылды. Оның жабдықталуына, озық медициналық құрал жабдықтар мен диагностикалық кешендер орнатылуына жарты миллиардтай теңге жұмсалды. Дәрігерлер Ресей, Литва елдерінде кәсіби біліктіліктерін, шеберліктерін жетілдіріп қайтты.
– Қызылжар өңірінде «Саламатты Қазақстан-2015» мемлекеттік бағдарламасы ойдағыдай орындалып келеді. Туберкулезбен сырқаттанушылар саны 1,5 есе, сәбилердің шетінеуі 21 пайызға азайды. Онкологиялық және онкогематологиялық аурулардың қазіргі заманғы химиялық терапия стандарттарын енгізу шараларын ойластырудамыз. Бұған дейін жүрек-қан тамырлары кеселі алдыңғы орында келсе, енді сырқаттар мен өлімді 25 пайызға азайту мүмкіндігі туды. Бұған орталықтың тигізіп отырған ықпалы зор, – деді әңгімелескенімізде облыстық денсаулық сақтау басқармасының бастығы Анатолий Ко.
Оның ашылуына Денсаулық сақтау министрлігінің өкілдері, Астанадағы ұлттық ғылыми-медициналық орталықтың дәрігер-ғалымдары қатысып ақыл-кеңестер берді.
Бұл орайда Елбасы Н. Назарбаевтың тікелей қолдауымен қолға алынған «Саламатты Қазақстан» бағдарламасы ұлт денсаулығын нығайтуға бағытталған. Осынау маңызы зор мемлекеттік іс-шара аясында Қызылжар өңірінде де медициналық қызметтің сапасы жақсарып келеді.
Өмір ЕСҚАЛИ,.