Қазақстан • 18 Ақпан, 2019

Баланың төлемақысы қанша?

446 рет
көрсетілді
1 мин
оқу үшін

Жұмыс істейтін әйел Мемлекеттік әлеуметтік сақтандыру қорынан жүктілік және бала туу бойынша берілетін әлеуметтік төлемақыны тағайындауға жүгіне алады. Төлемақы көлемі әйелдің соңғы 12 айда әлеуметтік төлемдер жасалатын орташа айлық табысына қатысты болады.  Өткен жылдың қортындысы бойынша бұл төлемақының көлемі 391 170 теңгені құраған. Бұл туралы Еңбек және халықты әлеуметтік қорғау министрлігі хабарлады.

Баланың төлемақысы қанша?

Бала туғаннан кейін ол жәрдемақыны тағайындауға өтініші білдіре алады. Бала туғанда берілетін бірретік мемлекеттік жәрдемақы бюджеттен бөлінеді, оның көлемі: бірінші балаға, екінші балаға, үшінші балаға - 95 950 теңге, төртінші және одан көп балаға  –159 075 теңге.

2018 жылы осындай жәрдемақыны 395 мың адам алған. Соңғы 3 жылда бұл жәрдемақының көлемі 38%-ға өсті. 2019 жылы осы жәрдемақыны төлеуге     42 млрд теңге бөлінді. Мемлекеттік әлеуметтік сақтандыру қорынан 1 жасқа дейін бала күтімі бойынша берілетін төлемақы  40% көлемінде соңғы екі жылдағы орташа табысына қарай тағайындалады.  Бұл төлемнің орташа көлемі 2018 жылы айына 32 361 теңгені құраған.

2018 жылы Мемлекеттік әлеуметтік сақтандыру қорынан барлығы 400 мың ата-ана 165 млдр теңге көлемінде ана мен бала әлеуметтік төлемақысын алған. Сонымен қатар, жұмыс істейтін әйелдерге 1 жасқа дейін бала күтімімен отырған кезінде  мемлекетпен міндетті зейнетақы жарнасы субсидияланады. 2019 жылы субсидияландыруға 5,8 млрд теңге бөлінген.