Қазақстан • 18 Ақпан, 2019

Қостанайлық кәсіпкер ханым миллионер араб әйеліне сәукеле сыйлады

291 реткөрсетілді

Қостанайлық кәсіпкер Евгения Домбаева Қазақстан іскер әйелдері делегациясының құрамында Біріккен араб әмірліктеріне барып айтты. Қостанайдағы айтулы ательенің жетекшісі Евгения Араб әмірліктеріне өз ұжымы тіккен бұйымдарын ала барды. БАӘ әйелдер кәсіпкерлігі үшін қызықты да, қолайлы ел екені белгілі. Қазақстан іскер әйелдерінің кеңесі Біріккен араб әмірліктері біраз жылдан бері ынтымақтаса жұмыс істеп келеді.

«Егер әйел осы елде өзінің ісін ашқысы келсе, Біріккен араб әмірліктерінің үкіметі оны кез келген елге жіберіп оқытады, оның қаржысын төлейді. Сонымен қатар әйел-кәсіпкерлерге салық жеңілдіктері жасалған. Осы мені қызықтырды» дейді Евгения.

Қостанайлық кәсіпкер әйел қатысқан форумға арабтың бизнес-ханымы, миллионер Риид Әл-Дхахери демеушілік жасады. Евгения оған өзінің ательесінде тігілген сәукелені сыйлады. Қостанайлық шеберлердің қолынан шыққан қазақ әйелінің ұлттық бас киімінің сәнділігі форумға қатысушыларды таң қалдырды. Евгенияға араб әйелдерінің тіккен киімдері де ұнады.

«Бұл ер адамдар қатыспаған, әйелдер паража кимеген жабық шара болды. Олар тіккен көйлектер өте сәнді екен. Мен онда ұлттық стильдегі киімдердің біріккен көрмесіне шақырту алдым. Бұл болашақ іскер байланысымыздың басы болар деп үміттенемін» дейді Евгения.

Осы сапарда Біріккен араб әмірліктерінің Іскер әйелдері кеңесі мен Қазақстан Іскер әйелдері кеңесі ынтымақтастық меморандумына қол қойды. Оның аясында болашақта біріккен жобалар мен бағдарламалар жасалатын болады. Әрине, одан қостанайлық кәсіпкер әйелдер де сырт қалмайды.

Нәзира ЖӘРІМБЕТ,

«Егемен Қазақстан»

Қостанай

Соңғы жаңалықтар

Алматы жасыл қалаға айналады

Экология • 17 Қаңтар, 2020

Көкшетауда беті ашық құдық көп

Аймақтар • 17 Қаңтар, 2020

Шымкентте Поэзия мінбері ашылды

Руханият • 17 Қаңтар, 2020

Бұландыдағы берекелі іс

Аймақтар • 17 Қаңтар, 2020

Мал баққанға бітеді...

Аймақтар • 17 Қаңтар, 2020

Кувейт турнирінде топ жарды

Спорт • 17 Қаңтар, 2020

Гран-при жарысына қатысады

Спорт • 17 Қаңтар, 2020

Екінші қоланы қоржынға салды

Спорт • 17 Қаңтар, 2020

Ұқсас жаңалықтар