Қазақстан • 25 Ақпан, 2019

Негізгі қарызын төлеген кәсіпорынға үш есеге көп өсімпұлды есептен шығарды

309 реткөрсетілді

Жүргізіліп жатқан салықтық амнистия аясында салықтан 20,8 млн теңге негізгі қарызын төлеген Астана қаласының кәсіпорнына 61,6 млн теңге өсімпұл есептен шығарылды. Ал Алматы облысының салықтар бойынша 661 теңге берешегін төлеген жеке кәсіпкерге 21,5 мың теңге өсімпұл есептен шығарылды. Бұл туралы Мемлекеттік кірістер комитетінің Баспасөз қызметі хабарлады.

Жалпы, республика бойынша 2019 жылдың 21 ақпанына 31 279 салық төлеуші бюджетке 2018 жылдың 1 қазанында болған жалпы сомасы 6,3 млрд теңгені құрайтын негізгі қарызын төлеген.

Бұл салық төлеушілер бойынша 1,2 млрд теңге өсімпұл және 200,0 млн теңге айыппұл есептен шығарылатын болады.

Бүгінгі күні 1 383 салық төлеуші бойынша 119,9 млн теңге сомасында өсімпұлдар, бір салық төлеуші бойынша 16 мың теңге сомасында айыппұл есептен шығарылды.

2019 жылдың 1 қаңтарынан бастап шағын және орта бизнес субъектілері үшін салықтық рақымшылықты жүргізуді қарастыратын Заң күшіне енгені белгілі. Ал 2019 жылдың 8 ақпанынан бастап Бересіні төлеген жағдайда өсімпұл мен айыппұл сомасын есептен шығару қағидалары қолданысқа енген болатын.

Алдын ала деректер бойынша 2018 жылғы 1 қазандағы жағдайға сәйкес 340,6 млрд теңге салық берешегі бар 90 077 шағын және орта бизнес субъектісі (31 210 заңды тұлға және 58 867 дара кәсіпкер) рақымшылыққа жататынын естеріңізге саламыз.

Бұл ретте шағын және орта бизнес субъектілерінің мемлекеттік кірістер органдарына барудың қажеті жоқ: өсімпұлдар мен айыппұлдар салық төлеушінің өтінішінсіз есептен шығарылады. Оңалту рәсіміндегі және салықтар бойынша төлеу мерзімін ұзартқан салық төлеушілерге қатысты рақымшылық қолданудың тәртібі басқаша.

Сондай-ақ, қазіргі уақытта негізгі қарызын төлеген жағдайда еесптелген өсімпұлды есептен шығару жолымен жеке тұлғалар үшін салық рақымшылығын өткізу бойынша Мемлекет басшысының тапсырмасын орындау мақсатында, мемлекеттік кірістер органдарымен ҚР заңнамалық актілеріне түзетулер әзірленіп, мүдделі мемлекеттік органдармен келісуге жіберілген болатын.

Соңғы жаңалықтар

UFC турнирі өтпейтін болды

Спорт • Бүгін, 19:18

Жазығы жоқ көктемнің

Әдебиет • Бүгін, 15:36

Шымкентте 40 586 азамат әлеуметтік төлем алды

Оңтүстік Қазақстан • Бүгін, 14:37

Еріктілердің елеулі ісі

Аймақтар • Бүгін, 14:33

Ұқсас жаңалықтар