Аймақтар • 27 Ақпан, 2019

Жүз мың теңгелік сұлулық салоны

499 реткөрсетілді

Бүгінде Қызылорда облысында шағын және орта кәсіпке үлкен көңіл бөлініп отыр. Жаңа жұмыс, табысты кәсіп бастағысы келгендерге мемлекет тарапынан берілетін көмекті ұдайы насихаттап отырады. Бұл іске облыстық Кәсіпкерлік палатасы мұрындық болып отыр.

 Облыстық палатаға жақында осыдан екі жыл бұрын сұлулық салонын ашқан Айзада Асқарбек есімді кәсіпкер келді. Мамандығы – құрылысшы. Газ саласында жұмыс істеген Айзада қарын­дасымыз құй сеніңіз, құй сенбеңіз бүгінде қаладағы таңдаулы сұлулық салонына айналған кәсіп көзін ашқанда қалтасында 100 мың теңге ғана болған екен. Әпкесі – шаштараз. Елдің ішінде кәсіпкерлер көбейіп келе жатқан шақ. Бір күні әпкесі «Айзада, сен суретті жақсы саласың ғой. Суретшіден жақсы бет әрлеуші шығады. Неге екеуміз бірігіп сұлулық салонын ашпаймыз» деп ой салады. «Тәуекел түбі − желқайық, өтесің де кетесің» деген қанатты сөз бар. Бойын жаңа іске деген құштарлық кернеген Айзада Алматыға барып, Санди Бексырғаның шеберлік мектебінде сабақ алады. Талаптанған адамның өрісі кең. Сөйтіп өз күшіне сенген екеуі екі орындық, екі айнамен жұмыс бастап кетеді. Әрине бәрі ойдағыдай болмаған. Екі қолды бір сілтеп, салонды енді қайтіп көрмеспіз деген ой да иектеген. Сонда да шыдамдылық танытты. Енді бей­неттің тәтті жемісін жеп отыр. Салон кеңейген соң жұмыс та көбейіп, сегіз адамға жұмыс тауып берді.

Айзаданы Кәсіпкерлер палатасына жетелеп келген күш − кәсібінің кере­ге­сін кеңейту.

– Жақында таныстарымнан Кәсіп­кер­лер палатасының «Аtameken Services» порталының мүмкіндіктері ту­­ра­лы­ есті­дім. Маған ерекше ұнаға­ны – «Несие аг­ре­гаторы» бөлімі. Салон­­ды кеңейту үшін мемлекеттен жеңіл­детілген несие алып, ғимарат алғым келді. Бірақ банктердің талабы, артықшылығы, жеңілдіктері туралы қолымда ақпарат болған жоқ. Тіпті банк жағалайтын уа­­қы­тым да жоқ. Бірнеше күн бұрын «Аtameken Services» порталы арқылы өтінім бердім. Өтінішімді бірнеше банк қатар қарайды екен және қарау мер­зімі де ұзақ емес. Жақын күндері оң қоры­тынды алып, көздеген мақсатыма жете­мін деген үміттемін. Банк аралап шаршамай, топырлаған қағаздарды алып жүр­мей, мәселемнің осылайша оңай шешіліп жатқаны қуантады, – дейді Айзада Асқарбек.

Айта кету керек, «Atameken Ser­vi­ces»­ − бұл бизнеске арналған пай­­­далы әрі­ тегін қызметтер ұсынатын платформа. «Несие агрегаторы» – кеңседен шық­пай-ақ онлайн түрінде жеңілдікпен несие алуға өтінім толтырып, еліміздің барлық қаржы институттары мен банк­теріне тапсырыс бере алатын үлкен мүм­­кіндік. 

Жас кәсіпкер осы мүмкіндікті пай­да­ла­нып отыр.

Бақтияр ТАЙЖАН,

«Egemen Qazaqstan»

Қызылорда облысы

Соңғы жаңалықтар

Басылым басшылары - Сауытбек АБДРАХМАНОВ (1951)

Басылым басшылары • Бүгін, 12:42

Елімізде ет қымбаттады

Қазақстан • Бүгін, 12:28

Басылым басшылары - Ержұман СМАЙЫЛ (1948-2018)

Басылым басшылары • Бүгін, 11:22

Баяғы жартас – бір жартас

Аймақтар • Бүгін, 10:56

Соңғы күндердің бораны сұрапыл

Аймақтар • Бүгін, 10:15

Өтініш-тілектер ескеріледі

Аймақтар • Бүгін, 06:51

Аманатқа қиянат жүрмейді

Таным • Бүгін, 06:49

Қараусыз малға ұры қас

Қоғам • Бүгін, 06:46

Табысты жылыстатудың жолдары

Экономика • Бүгін, 06:40

Шаңырақ неге шайқалады?

Қоғам • Бүгін, 06:35

Жүйелі жұмыс жалғасады

Саясат • Бүгін, 06:33

Мегаполистегі маңызды жобалар

Аймақтар • Бүгін, 06:30

Өткенге есеп, ертеңге бағдар

Аймақтар • Бүгін, 06:28

Атқарылған істер ауқымды

Аймақтар • Бүгін, 06:24

Сақтыққа салғырт емес

Қоғам • Бүгін, 06:20

Ұқсас жаңалықтар