27 Ақпан, 2019

Азия елдерінің студенттері Астанаға келеді

167 реткөрсетілді

Биыл Назарбаев Университет Азия елдері арасында ірі студенттік конференцияны өткізу алаңы ретінде таңдап алынды. «The Harvard College Project for Asian and International Relations 2019 Asia Conference (HPAIR 2019 Asia Conference)» конференциясын өткізу құқығын жеңіп алған университеттің бұл жетістігі аз уақыт ішінде халықаралық дәрежеге еркін қанат жайғанын көрсетеді. 

Бұл құқықты жоғары оқу ор­ны Сингапур, Жапония, Қытай, Тайвань және Үндістан уни­вер­ситеттері арасынан озып шы­ғып иеленген.

Назарбаев Университеттің гуманитарлық және әлеуметтік ғылымдар мектебінің студенті және Назарбаев Университеттің сту­денттік үкіметінің прези­ден­ті, The HPAIR Astana 2019 ұйым­дастыру комитетінің же­тек­­шісі Лейла Ахметова атап өткен­дей, түпкілікті шешім қабыл­дау мақсатында Гарвард уни­верситетінің (АҚШ) HPAIR ұйым­дастыру комитетінің мүше­ле­рінен құрылған делегация жуырда Астана қаласына келіп, Назарбаев Университеттің ұй­ым­­­дастыру комитетінің мүше­­лерімен келіссөздер өткіз­ген. Енді Назарбаев Уни­вер­си­т­ет­тің командасы іс-шараны бірлесіп дайындау мақсатында Гарвардқа аттанады.

Айта кете­тін жайт, HPAIR-2019 кон­­­ференциясы Ас­та­на қала­сында Жас­­тар жылы ая­­сын­­да өт­іп, қазақ­­стандық жас ұр­­паққа жаңа мүм­кіндіктерді ұсы­нады. Іс-шараның күн тәрті­біне алты тақырыптық панель кіретінін айта кеткен жөн. Яғни, әлеуметтік саясат және инклюзивтік даму, әлемдік экономика, қауіпсіздік және дипломатия, бизнес және технологиялар, қоршаған орта­ның тұрақтылығы және энергетика, сондай-ақ мәдениет және медиа бағыттары бойынша секциялар жоспарланып отыр.

Жалпы, Азия және халық­ара­лық қатынастар жөніндегі Гарвард жобасы Азия елдерінде Гарвард университетінің бас­та­масымен өтетін ең ірі сту­дент­тік конференция санала­ды. Келелі жиын студенттер мен жас мамандар үшін Тынық мұхиты аймағындағы және Азия елде­ріндегі ең маңыз­ды эконо­микалық, саяси және әлеуметтік мәселелерді талқы­лау мақса­тында пікірталас ала­ңы ре­тінде құрылған. Кон­фе­­рен­ция 1991 жылдан бастап 32 мың қатысушыны тарта оты­рып, әлемнің 12 еліндегі жо­ға­ры оқу орындарында өтті. Конференцияның бұрынғы спикер­лерінің арасында танымал ғалымдар мен Нобель сый­лығының лауреаттары, дип­ломаттар, халықаралық ұйым­дар­дың басшылары бар.

Мирас АСАН,

«Egemen Qazaqstan»

Соңғы жаңалықтар

Ұқсас жаңалықтар