04 Наурыз, 2019

Астананың шеткері аумақтарындағы мәселелер қалай шешілмек?

896 реткөрсетілді

Астана әкімі Бақыт Сұлтанов «Нұр Отан» партиясы қалалық филиалы активінің отырысында елордалық билік жұмысының маңызды бағыты қала мен оның шет аумақтарының мәселелері екенін еске салды. Бұл туралы Астана қаласы әкімдігінің баспасөз қызметі хабарлады. 

«Қаланың шеткі аумақтары мен олардың дамуы елорда үшін өте өзекті. Президент елдің инженерлік және әлеуметтік инфрақұрылымын дамытуға, сондай-ақ ірі қалалардың шеткі мәселелерін шешуге баса назар аудара отырып, «Құтты мекен» партиялық жобасын іске қосуды тапсырды. 2019-2021 жылдарға арналған республикалық бюджетте қаланың инженерлік және әлеуметтік инфрақұрылымын дамытуға 174,5 млрд теңге, оның ішінде 2019 жылға – 77,1 млрд  теңге қарастырылған», – деді Б.Сұлтанов жиын барысында.

Кешенді жоспарды орындау мақсатында таяудағы 5 жылда ұзындығы 121 шақырым болатын автомобиль жолдарын салуға, жылу қуатын сағатына 1038 Гкал-ға және электр қуатын сағатына 120 МВт-қа ұлғайтуға,  ұзындығы 231 шақырымды құрайтын сумен жабдықтау және су бұру желілерімен қамтамасыз етуге, Көктал-1, Көктал-2, Теміржол, Оңтүстік-Шығыс тұрғын алаптарын табиғи газға қосуға, жалға берілетін баспана немесе несиелік баспана бағыты бойынша тұрғын үйдің 530 мың шаршы метрін немесе 9 мың пәтерді салуға, сондай-ақ қаланың шеткі аумағын одан әрі абаттандыруға мүмкіндік береді.

Соңғы жаңалықтар

Ұқсас жаңалықтар