Қазақстан • 07 Наурыз, 2019

Жауынгерлік өнер бір тудың астында

1188 рет
көрсетілді
1 мин
оқу үшін

Қарағандыда «Қазақстан жауынгерлік өнері қауымдастығының» облыстық филиалы дүниеге келді. Жаңа ұйымға спорт саласының облысқа танымал қайраткері Ерден Халилин басшылық жасайтын болады.

Жауынгерлік өнер бір тудың астында

Бұл туралы облыстық дене шы­нық­тыру және спорт бас­қар­масының басшысы Дмитрий Карпов мәлімдеді.

Ерден Халилин Қарағандыдағы Әлия Молдағұлова атындағы олим­пия­лық резервтің облыстық маман­дан­дырылған мектеп-интернат кол­леджінің директоры болып қызмет етеді. Ол – самбодан Әлем ку­бо­гы­ның қола жүлдегері, Қазақ­стан Республикасының Құрметті спорт қайраткері, еңбек сіңірген жат­тықтырушы.

– Жауынгерлік жекпе-жек түр­лерін дамыту үшін бірігу – өте жақсы идея. Бұл өзінің жемісін береді және осы саладағы көптеген мәселенің шешімін табуға игі ықпалын тигізеді деп ойлаймын, – деді жаңа басшыны таныстыру кезінде Д.Карпов.

Еске салсақ, «Қазақстан жауын­гер­лік өне­рі қауымдастығы» өткен жылдың қа­ра­ша айын­да құрылған болатын. Каратэ, жек­пе-жек, ММА аралас жекпе-жегі және қоян-қолтық ұрыс түрлері бойынша жұмыс істей­тін жаңа спорттық ұйымға ҰҚК басшысы Кәрім Мәсімов жетекшілік етеді.

Қайрат ӘБІЛДА,

«Egemen Qazaqstan»

ҚАРАҒАНДЫ