Басқа басылымдардан
Бейсенбі, 29 наурыз 2012 7:47
НТВ. Бүгін Оңтүстік Корея астанасындағы Ядролық қауіпсіздік жөніндегі саммиттің негізгі күні. Талқыланатын проблемалар ауқымы аса кең – ядролық терроризмнен экономикалық қауіпсіздікке дейін.
Жекелеген мәлімдемелермен Ресей, Құрама Штаттар және Қазақстан президенттері сөз сөйледі. Үш ел Кеңестік Семей полигонындағы ядролық сынақтар зардаптарын жоюды аяқтады. РФ Президенті Дмитрий Медведев: «Біз бүгін Семей полигоны мүлде басқаша түрде қызмет етеді, ондағы барлық ядролық қатер жабылды. Қазақстан тиісті аумақтарды дамыту арқылы болашаққа жарқын қарай алады. Мен мұны шындығында да, үш мемлекет арасындағы ізгі ынтымақтастықтың мысалы деп есептеймін», – деп атап өтті.
Бейсенбі, 29 наурыз 2012 7:47
НТВ. Бүгін Оңтүстік Корея астанасындағы Ядролық қауіпсіздік жөніндегі саммиттің негізгі күні. Талқыланатын проблемалар ауқымы аса кең – ядролық терроризмнен экономикалық қауіпсіздікке дейін.
Жекелеген мәлімдемелермен Ресей, Құрама Штаттар және Қазақстан президенттері сөз сөйледі. Үш ел Кеңестік Семей полигонындағы ядролық сынақтар зардаптарын жоюды аяқтады. РФ Президенті Дмитрий Медведев: «Біз бүгін Семей полигоны мүлде басқаша түрде қызмет етеді, ондағы барлық ядролық қатер жабылды. Қазақстан тиісті аумақтарды дамыту арқылы болашаққа жарқын қарай алады. Мен мұны шындығында да, үш мемлекет арасындағы ізгі ынтымақтастықтың мысалы деп есептеймін», – деп атап өтті.
Кеңестік тұңғыш ядролық полигон 1949 жылы Қазақстанда жұмыс істей бастады. 40 жыл ішінде Семей полигонында 500-ге жуық сынақ жасалды. Міне, енді бұл аумақ қауіпсіз деп жарияланды.
РОССИЯ 1. Сеулде Ядролық қауіпсіздік жөніндегі саммит жалғасуда. Негізгі шаралар кеше өтті. Жұмыс отырыстарына 50-ден астам елдің және 4 халықаралық ұйымның басшылары қатысуда. Күн тәртібінде – ядролық қауіпсіздік салаларындағы халықаралық ынтымақтастық және ұлттық деңгейдегі қабылданатын шаралар. Иранның немесе КХДР-дің атом бағдарламалары сияқты мәселелер қарастырылмайды деп хабарланды. «Саммит алаңдарында» жеке құрамда бірқатар келіссөздер жоспарланған. Қазірдің өзінде Ресей, АҚШ және Қазақстан президенттерінің кездесуі болды. Дмитрий Медведев Семей полигоны бойынша үш мемлекеттің ынтымақтастығы ядролық қауіпсіздікпен айналысуға нақты мысал болатынын атап өтті.
«Саммиттер кездесіп, тек бір-бірінің қолын алу үшін өткізілмейді. Ол ынтымақтастықты тереңдетуге қызмет етуі тиіс. Біз 2004 жылдан бастап үш мемлекет – Қазақстан, АҚШ және Ресей Семей полигонын пайдаланудан қалған зардаптарды жоюмен айналысудамыз, – деді Д.Медведев. – Сондай-ақ мен ядролық қауіпсіздік үшін ерекше жауапкершілік жүктелген мемлекеттер ретінде Ресей Федерациясы мен АҚШ-тың бірлесе отырып, бұл проблемалармен айналысып және оны шешуде ынтымақтастық танытқанын атап өткім келеді».
КОМСОМОЛЬСКАЯ ПРАВДА! Қазақстан Президенті Нұрсұлтан Назарбаев Астана Ядролық қауіпсіздік жөніндегі саммиттердің бірін қабылдауға дайын екендігін мәлімдеді. «Қазақстан Ядролық қауіпсіздік жөніндегі саммиттерді әр екі жыл сайын өткізуді ұсынады. Біз болашақта Астанада осындай саммиттердің бірін қабылдауға дайынбыз», – деп мәлімдеді ол Ядролық қауіпсіздік жөніндегі Сеул саммитінде сөйлеген сөзінде.
Саммит жұмысына 50-ден астам елдің басшылары және 4 халықаралық ұйымның өкілдері қатысуда. Саммит қорытындысы бойынша қорытынды құжат – физикалық ядролық қауіпсіздікті нығайтуға және ядролық терроризм қатерін бәсеңдетуге бағытталған коммюнике қабылданады деп күтілуде.
ВЗГЛЯД. Ядролық қаруды бірінші болып қолданған мемлекетке бойкот жариялауға дейінгі ең қатаң жаза қолдану қажет, деп мәлімдеді Қазақстан Президенті Нұрсұлтан Назарбаев Сеулдегі Ядролық қауіпсіздік жөніндегі саммитте сөйлеген сөзінде. «Ядролық қаруды бірінші болып қолданған елді оқшаулау және оған бойкот жариялауға дейінгі ең қатаң халықаралық шараны қолдану туралы келісуді ұсынамын», – деп Н.Назарбаевтың сөзін келтірген Президенттің баспасөз қызметі.
«Кейбір мемлекеттер ядролық қаруға ие болуды қауіпсіздіктің факторы ретінде қарастырады. Әлемдегі төртінші зымырандық-ядролық арсеналдан ерікті түрде бас тартқан өз елімнің тәжірибесіне сүйене отырып мынаны айта аламын: қауіпсіздікке нағыз сенімді кепілдікті орнықты әлеуметтік-экономикалық даму ғана бере алады», – деп атап өтті Қазақстан басшысы.
«Барлық ядролық мемлекеттерді осындай ізгі ниет көрсетуге шақырамын», – деді Н.Назарбаев. Қазақстан Республикасының Президенті ядролық державалар ядролық қаруды иеленуден бас тартқан мемлекеттерге БҰҰ бекіткен қауіпсіздік кепілдігін беруге тиіс екендігін атады. «Жалпыға ортақ ядросыз әлем декларациясын қабылдау Ядролық қару жөніндегі конвенцияға маңызды қадам болып табылар еді», – деп атап өтті Қазақстан Президенті.
Сейсенбі күнгі Сеулдегі Ядролық қауіпсіздік жөніндегі саммитте сөйлеген сөзінде Нұрсұлтан Назарбаев АҚШ Президенті Барак Обаманың Ядролық қаруды таратпау туралы шарт ережелерін сақтау жөніндегі жаңа стратегиясына қолдау білдірді. «Қазақстан АҚШ пен Ресей арасындағы Стратегиялық шабуылдау қаруын қысқарту туралы шарттың күшіне енуін қуаттайды және Президент Барак Обаманың жаңа ядролық стратегиясын қолдайды», – деді Нұрсұлтан Назарбаев.
АЛТАПРЕСС.ru. Сеулдегі Ядролық қауіпсіздік жөніндегі екінші саммит аясында президенттер: Қазақстан Президенті Нұрсұлтан Назарбаевтың, Ресей Президенті Дмитрий Медведевтің және АҚШ Президенті Барак Обаманың үшжақты кездесуі болды. Кездесу қорытындысы бойынша Мемлекеттер басшылары бұрынғы Семей сынақ полигонына қатысты үшжақты ынтымақтастық жөнінде бірлескен мәлімдеме қабылдады.
Мәлімдемеде Қазақстан Республикасының, Ресей Федерациясының және Америка Құрама Штаттарының президенттері ядролық терроризммен және ядролық қарудың таралуы қаупімен күресте ортақ мақсат ұстанатыны айтылған. Нұрсұлтан Назарбаев Семей полигоны әлемдегі аса ірі полигондардың бірі екенін атап өтті.
«Менің Жарлығыммен осыдан 20 жыл бұрын біз Семей сынақ полигонын жаптық. Бірнеше жылдан бері Қазақстан, Ресей және АҚШ сынақтардың зардаптарын жою жөнінде бірлескен жұмыстар жүргізіп келеді. Біз осы көмектері үшін өзіміздің әріптестерімізге алғыс айтамыз», – деді Қазақстан Республикасының Президенті.