24 cағат
Сәрсенбі, 27 маусым 2012 7:18
Сирия басшылығы әскерилер мен полиция қызметкерлеріне бейбіт тұрғындарды өлтіру туралы бұйрық береді-міс. Мұны бүлікшілерге тұтқынға түскен ұлттық әскердің әскери қызметкері мәлімдесе керек. Мұндай мәлімдемелерге сене қою да қиын екенін атап көрсеткен жөн.
Ирактың Хилла қаласында жасалған лаңкестік салдарынан 12 адам опатболған. Ресми мәлімет бойынша, Иракта үстіміздегі жылдың 13 маусымынан бергі кезеңде лаңкестіктен 171 адам көз жұмған. Бұл мамырайындағыдан асып түседі.
Сәрсенбі, 27 маусым 2012 7:18
Сирия басшылығы әскерилер мен полиция қызметкерлеріне бейбіт тұрғындарды өлтіру туралы бұйрық береді-міс. Мұны бүлікшілерге тұтқынға түскен ұлттық әскердің әскери қызметкері мәлімдесе керек. Мұндай мәлімдемелерге сене қою да қиын екенін атап көрсеткен жөн.
Ирактың Хилла қаласында жасалған лаңкестік салдарынан 12 адам опатболған. Ресми мәлімет бойынша, Иракта үстіміздегі жылдың 13 маусымынан бергі кезеңде лаңкестіктен 171 адам көз жұмған. Бұл мамырайындағыдан асып түседі.
Түркия Сирияға электр қуатын беруді қысқартуы ықтимал. Бұл Сирия аумағында түрік ұшағының атып түсірілуімен байланысты. Түркия вице-премьері Бюлент Арынчтың айтуынша, бұл туралы шешім бір-екі күннің ішінде қабылданатын болады.
Лондон Олимпиадасына орай Олимпиада қалашығы аумағында әлемдегіең үлкен «Макдональдс» мейрамханасы ашылады. МейрамханаОлимпиада ашылатын 27 шілде мен жабылатын 12 тамыз аралығындажұмыс істемек. Онда 1,5 мың отыратын орын болады екен.
Өзбекстан ұлттық қауіпсіздік ведомствосының қызметкерлері Ташкенттегі зауыттардың бірінде салмағы 1,65 тоннаны құрайтын есірткі заттарын жойды. Есірткінің 99 килограмы героин, 597 килограмы апиын, 240 килограмы марихуана, 302 килограмы гашиш екен. Қалғанын көкнәр мен психотроптық препараттар құрапты.
АҚШ-тың Колорадо штатындағы орман өртінің салдарынан 11 мың адам үйлерін тастап кетуге мәжбүр болған. Өрт Пайк ұлттық орманшылығының аумағында 24 маусымда шыққан еді. Тілсіз жау бір тәулікке жетер-жетпес уақытта 1 мың гектардан астам аумақты қамтыған.
Киевтің халықаралық «Борисполь» әуежайында ұзақ уақыт бойы жолаушылардың жүктерін ұрлап келген 3 жүк тасушы мен ішкі қауіпсіздік департаментінің қызметкері ұсталған. Күдіктілерге қатысты қылмыстық іс қозғалса, оларға қандай шара қолдану қажеттігі туралы мәселе шешіліп жатқанға ұқсайды.
Бразилиялық қылмыскерлер өздерінің түрмеде отыру мерзімдерін кітап оқу арқылы қысқарта алады. Тиісті заң мемлекеттің ресми газетінде жарық көрген. Бұл бағдарламаның бейресми атауы – «Кінәні оқу арқылы жуу». Ол Бразилияның 4 федералдық түрмесінде жүзеге асырылмақ. Әр оқылған кітап түрмеде болу уақытын 4 күнге қысқартады.
Мексика астанасындағы халықаралық әуежайда екі полиция қызметкері өздерінің қызметтестеріне қарата оқ атқан. Оқиға салдарынан 3 адам қаза тапқан. Жергілікті құқық қорғау органдары өкілдерінің сөздеріне қарағанда, оқ атқан полиция қызметкерлері есірткі мафиясымен байланыста болуы ықтимал.
Ақпарат агенттіктерінің материалдары негізінде әзірленді.
